मॅट डॅमनसोबत दिसणार टॉम हॉलंड
क्रिस्टोफर नोलन यांचा आगामी चित्रपट
ओपेनहाइमर, टेनेट, इंटरस्टेलर, इन्सेप्शन, द डार्क नाइट राइजेज या अत्यंत गाजलेल्या चित्रपटांचा दिग्दर्शक क्रिस्टोफर नोलनच्या नव्या चित्रपटाची प्रतीक्षा अनेक जण करत आहेत. नोलनने स्वत:च्या नव्या चित्रपटासाठी मॅट डॅमन याची निवड केली आहे. आता त्याच्या चित्रपटात स्पायडर मॅन फेम टॉम हॉलंडही दिसून येणार आहे.
क्रिस्टोफर नोलन या चित्रपटाची कहाणी लिहित आहेत. हा चित्रपट युनिव्हर्सल पिक्चर्सच्या बॅनर अंतर्गत 17 जुलै 2026 रोजी प्रदर्शित होणार आहे. या चित्रपटाचे चित्रिकरण पुढील वर्षाच्या प्रारंभी सुरू होणर आहे. क्रिस्टोफर नोलन यांच्या ओपेनहाइमर या चित्रपटाने जगभरात 8 हजार कोटी रुपयांची कमाई केली होती.
टॉम हॉलंड हा मार्वल सिनेमॅटिक युनिव्हर्समध्ये पुन्हा एकदा पीटर पार्कर म्हणून परतणार आहे. टॉमने स्पायडर मॅन 4 च्या पटकथेचे वाचन केले आहे. टॉम हा 2022 मध्ये ‘अनचार्टेड’मध्ये दिसून आला होता. याचबरोबर 2023 मध्ये टीव्ही शो ‘द क्राउडेड रुम’मध्ये त्याने मुख्य भूमिका साकारली होती.