आज तांबुळी माऊली देवस्थानचा वार्षिक जत्रोत्सव

ओटवणे | प्रतिनिधी

तांबुळी गावचे ग्रामदैवत देवस्थानचा वार्षिक जत्रोत्सव गुरुवारी 27 डिसेंबर रोजी होणार आहे. नवसाला पावणारी माहेरवाशिणीची पाठीराखी अशी माऊलीची ख्याती असल्याने या जत्रोत्सवासाठी भाविकांची अलोट गर्दी होते. यानिमित्त मंदिरात सकाळी धार्मिक कार्यक्रम आटोपल्यानंतर माउलीला भरजरी वस्त्र व सुवर्ण अलंकारांसह आकर्षक फुलांनी सजवीण्यात आले. त्यानंतर देवीची मानाची ओटी भरल्यानंतर देवीच्या दर्शनास प्रारंभ झाला. यानिमित्त रात्री उशिरापर्यंत देवीच्या दर्शनासह तिची ओटी भरण्यासाठी भाविकांची गर्दी होणार आहे. यानिमित्त रात्री सवाद्य पालखी मिरवणूकीनंतर उशिरा मामा मोचेमाडकर दशावतार कंपनीचे नाटक होणार आहे. भाविकांनी कार्यक्रमाचा लाभ घ्यावा असे आवाहन करण्यात आले आहे.