आज कोनशी देवी माऊलीचा वार्षिक जत्रोत्सव

ओटवणे प्रतिनिधी

कोनशी गावचे ग्रामदैवत श्री देवी माऊलीचा वार्षिक जत्रोत्सव आज होत आहे. यानिमित्त सकाळी मंदिरात धार्मिक कार्यक्रम आटोपल्यानंतर माऊलीच्या दर्शनासाठी रात्री उशिरापर्यंत भाविकांची अलोट गर्दी होते. रात्री १२ वाजता सवाद्य पालखी मिरवणूकीनंतर मध्यरात्री १ वाजता कोनशी परिसरातील दशावतारी कलाकरांचा शिवशक्ती संग्राम हा पारंपारिक दशावतार नाट्यप्रयोग होणार आहे. भाविकांनी कार्यक्रमाचा लाभ घ्यावा असे आवाहन देवस्थानचे मानकरी आणि कोनशी ग्रामस्थांनी केले आहे.