वारणात आज कुस्तीचा महासंग्राम

सिकंदर शेख-मोनु दहीया यांच्यात प्रमुख लढत 

बेळगाव : कोल्हापुर जिल्हा वारणानगर येथे सहकारमहर्षी तात्यासाहेब कोरे यांच्या स्मृतीनिमित्त भारत वि. इराण विश्वनाथ वारणाशक्ती श्री कुस्ती महासंग्राम अशा आंतरराष्ट्रीय कुस्ती मैदानाचे आयोजन वारणाविद्यालय क्रीडांगणावर केले आहे. या कुस्ती मैदानात प्रमुख कुस्ती महानभारत केसरी व महाराष्ट्र केसरी कोल्हापूरचा सिंकदर शेख, हिंद केसरी, भारत केसरी मोनु दहीया दिल्ली यांच्यात होणार आहे. दुसऱ्या क्रमांकाची कुस्ती महाराष्ट्र केसरी, आंतरराष्ट्रीय कास्यपदक विजेता पृथ्वीराज पाटील देवठाणे वि. भारत केसरी लाली मांड पंजाब, यांच्यात, तिसऱ्या क्रमांकाची कुस्ती उपमहाराष्ट्र केसरी प्रकाश बनकर कोल्हापूर वि. उत्तर भारत केसरी अभिनायक सिंग दिल्ली, चौथ्या क्रमाकांची कुस्ती महाराष्ट्र केसरी हर्षद सादगीर पुणे वि. आंतरराष्ट्रीय पदक विजेता अहमद मिर्जा इराण, पाचव्या क्रमांकाची कुस्ती उपमहाराष्ट्र केसरी माऊली कोकाटे पुणे, वि. राजस्थान केसरी भीम पंजाब, सहाव्या क्रमांकाची कुस्ती आंतरराष्ट्रीय पदक विजेता दादा शेळके पुणे वि. हिमाचल केसरी पालींधर मथुरा हिमाचलप्रदेश यांच्यात होणार आहे. याशिवाय जवळपास 200 हून अधिक लहान-मोठ्या कुस्त्यांचे आयोजित करण्यात आल्या आहेत.