अबकारी खात्याच्या बदल्यांमध्ये गैरव्यवहार नाही

अबकारी मंत्री आर. बी. तिम्मापूर यांचे विधानपरिषदेत स्पष्टीकरण

बेंगळूर : अबकारी खात्याच्या बदल्यांमध्ये कोणत्याही प्रकारचा गैरव्यवहार झालेला नाही, असे अबकारी मंत्री आर. बी. तिम्मापूर यांनी स्पष्ट केले. गुरुवारी विधानपरिषदेत सदस्य के. एस. नवीन यांच्या चिन्हांकीत प्रश्नावर त्यांनी उत्तर दिले. अबकारी खात्यामध्ये डिसेंबर 2023 ते नोव्हेंबर 2024 या कालावधीत ग्रुप ए, बी आणि सी गटात 336 बदल्या झाल्या असून त्यात कोणताही गैरव्यवहार झाला नसल्याचे मंत्र्यांनी सांगितले. चालू आर्थिक वर्षातील सप्टेंबर, ऑक्टोबर आणि नोव्हेंबर महिन्यात अर्ध प्रीमियम आणि प्रीमियम लिकर स्लॅबमधील मद्य विक्रीचा वाटा 21.03 टक्के आहे. म्हणजेच सेमी प्रीमियम आणि प्रीमियम लिकर ब्रँडच्या विक्रीत 6.85 टक्क्यांनी वाढ होईल. त्यामुळे आगामी काळात अधिक सेमी-प्रिमियम आणि प्रीमियम ब्रँड्सचा वापर वाढल्याने विक्रीत वाढ होणार आहे. त्यामुळे महसूल संकलनात सकारात्मक वाढ होईल, असा अंदाजही मंत्री तिम्मापूर यांनी व्यक्त केला.