जैतनमाळ हद्दीतील शेतातील ज्वारीची चोरी, शेतकऱ्याचे नुकसान

मजगाव : जैतनमाळ हद्दीत रब्बी हंगामात जोंधळ्याचे (ज्वारीचे पीक) अनेक शेतकऱ्यांनी घेतले आहे. मजगावचे शेतकरी महादेव मल्लाप्पा मजुकर यांच्या शेतात सुमारे एक एकरातील ज्वारी पीक जोमात आले आहे. सध्या त्यांची पोसवणी सुरू आहे. परंतु अज्ञात चोरट्यांनी त्यामधील ज्वारी कापून नेणे चालु ठेवल्याने त्या शेतकऱ्याचे मोठे नुकसान झाले आहे. सदर शेतकऱ्यांनी उद्यमबाग पोलिसांत तक्रारही केली असून ते शेतकरी स्वत: रात्रभर बसून राखण करीत आहेत. सदर ओला चारा चोरट्यांचा बंदोबस्त करण्यासाठी शेतकऱ्यांनी संघटितपणे पहारा ठेवला आहे. चोरट्यांनी हजारो रुपयांच्या ओल्या ज्वारीची चोरी केल्याने परिसरातील शेतकऱ्यांनी चिंता व्यक्त केली आहे.