Solapur Crime | शस्त्राच्या धाकाने दागिन्यांची लूट

शनिवारी नेहमीप्रमाणे दुकान सुरु असताना दुपारी सुमारे १२.३५ वाजता ग्रे रंगाच्या स्कूटरवरून तीन संशयीत तरुण दुकानास समोर आले. यातील दोघा दुकानात घुसले, तर एकजण बाहेर थांबला होता. दुकानात आलेल्या एका आरोपीच्या हातात लोखंडी रॉड होता, तर दुसऱ्याने पिस्तूलसदृश वस्तू रोखून धमकावले.

संशय आल्याने खुर्शीद शेख यांनी मागील दरवाजातून बाहेर पडत आरडाओरडा केला. त्यानंतर आरोपी दुकानातून बाहेर आले आणि पिस्तूल दाखवून परिसरातील नागरिकांना घाबरवण्याचा प्रयत्न केला. दरम्यान, आरोपींनी आणलेली ग्रे रंगाची ॲक्सेस स्कूटर (एमएच ४५-९९५१) घटनास्थळीच सोडून दिली आणि ७० फूट चौकाच्या दिशेने पळ काढला.

घटनेनंतर दुकानातील सीसीटीव्ही फुटेजची पाहणी केली. आरोपींनी शोकेसमधून दोन सोन्याचे नेकलेस चोरल्याचे स्पष्ट झाले. या घटनेचा तपास पोलीस निरीक्षक ढवळे हे करीत आहेत. घटनेची माहिती मिळताच सदर बझार पोलिसांसह गुन्हे शाखेची पथके घटनास्थळी दाखल झाली.

परिसरातील सीसीटीव्ही फुटेज सीसीटीव्ही फुटेज, घटनास्थळी सोडून दिलेली स्कूटर आणि इतर तांत्रिक पुराव्यांच्या आधारे आरोपींचा शोध सुरू करण्यात आला आहे. आरोपींची ओळख पटविण्यासाठी विशेष पथके कार्यरत असून शहरभर नाकाबंदी करण्यात आली आहे.