जगातील सर्वात अनोखा बार

जगात असे अनेक बार अन् रेस्टॉरंट आहेत, जे स्वत:ची अनोखी थीम, आकर्षक डिझाइन आणि वेगवेगळ्या अनुभवांसाठी प्रसिद्ध आहेत, काही ठिकाणी समुद्राच्या ठिकाणी बार आहेत, तर काही बर्फाने निर्मित रेस्टॉरंट आणि हॉटेल्स लोकांना आकर्षित करतात. काही ठिकाणी पर्वतांच्या उंचीवर पासून लोक खाण्यापिण्याचा आनंद घेतात. तर गुहांमध्ये निर्मित बार पर्यटकांचे लक्ष वेधून घेतात.

दक्षिण आफ्रिकेत एक असा बार होता, जो या सर्वांपेक्षा खूपच वेगळा होता. हा बार एखादी इमारत, हॉटेल किंवा पर्वतावर नव्हे तर सुमारे 6000 वर्षे जुन्या एका विशाल जिवंत वृक्षाच्या आत निर्माण करण्यात आला होता. या अनोख्या ठिकाणाला पाहणे आणि येथे बसून वेळ घालविण्यासाठी जगभरातून पर्यटक पोहोचत होते. परंतु आता हा बार कायमस्वरुपी बंद झाला आहे, पण याची कहाणी आजही लोकांना अचंबित करते.

दक्षिण आफ्रिकेच्या लिम्पोपो प्रांतात स्थित विशाल सनलँड बाओबाब वृक्ष एकप्रकारे नैसर्गिक आश्चर्यच होता. याच वृक्षाच्या पोकळ खोडाच्या आत बिग बाओबाब ट्री बार निर्माण करण्यात आला होता. हा वृक्ष इतका विशाल होता की त्याच्या आत आरामात एक छोटा बार तयार करण्यात आला होता, जेथे बसुन लोक गप्पागोष्टी करण्यासह बियर पित स्मरणीय क्षण घालवत होते. सर्वात हैराण करणारी गोष्ट म्हणजे हे सर्व एखाद्या मृत वृक्षाच्या आत नव्हे तर एका जिवंत वृक्षाच्या आत निर्माण करण्यात आले होते.

एकाचवेळी 15 जणांसाठी व्यवस्था

वृक्षाच्या आत निर्माण या  बारचे छत सुमारे 13 फूट उंच होते, आतील जागा सुमारे 15 लोक एकाचवेळी बसू शकतील इतकी होती. येथे बियर अन् अन्य पेयपदार्थ उपलब्ध केले जात होते. लाकडी अन् नैसर्गिक वातावरणामुळे येथे बसण्याचा अनुभव एखाद्या सामान्य बारपेक्षा अत्यंत वेगळा होता. याचमुळे हे ठिकाण पर्यटकांदरम्यान अत्यंत लोकप्रिय ठरले होते. जगभरातून लोक केवळ या अनोख्या बारला पाहणे आणि येथे काही वेळ घालविण्यासाठी दक्षिण आफ्रिकेत पोहोचत होते.

झाडाच्या नुकसानीनंतर बंद

अनेक वर्षांपर्यंत मजबुतीने उभा राहिलेला हा विशाल बाओबाब वृक्ष 2016 आणि 2017 दरम्यान हळूहळू कमकुवत होऊ लागला. वृक्षाचे मोठे हिस्से तुटून कोसळू लागले, ज्यामुळे आतील बार देखील असुरक्षित ठरला. सुरक्षा कारणांमुळे या अनोख्या बारला कायमस्वरुपी बंद करण्यात आले. परंतु वृक्षाचा काही हिस्सा आजही अस्तित्वात आहे. परंतु आता तेथे पूर्वीसारखी वर्दळ दिसून येत नाही.

आजही लोकांच्या स्मरणात

हजारो वर्षे जुन्या जिवंत वृक्षाच्या आत निर्मित दुसरा असा बार कुठेच नसावा. याचमुळे बिग बाओबाब ट्री बार आजही जगातील सर्वात अनोख्या बारपैकी एक मानला जातो. सोशल मीडियावर याची जुनी छायाचित्रे आणि व्हिडिओ व्हायरल होत असतात. हा अनोखा बार बंद झाला असलातरीही याची कहाणी माणसाने निसर्गासोबत मिळून किती अनोखी ठिकाणं निर्माण केली आहेत याचा विचार करण्यास भाग पाडते. 6 हजार वर्षे जुन्या वृक्षामध्ये बसण्याचा आनंद घेण्याचा अनुभव काही लोकांनाच प्राप्त झाला. परंतु हे ठिकाण कायमस्वरुपी जगातील सर्वात स्मरणीय आणि अनोख्या पर्यटनस्थळांमध्ये गणले जाणार आहे.