‘सिंघम अगेन’चा ट्रेलर सादर

अजय देवगण, दीपिका पदूकोन, करिना मुख्य भूमिकेत

रोहित शेट्टीच्या दिग्दर्शनात तयार चालू वर्षातील सर्वात बहुप्रतीक्षित चित्रपट ‘सिंघम अगेन’चा ट्रेलर प्रदर्शित करण्यात आला आहे. या ट्रेलरमध्ये बॉलिवूडच्या अनेक कलाकारांची झलक दिसून येत आहे. रोहित शेट्टीच्या कॉर्प युनिव्हर्स चित्रपटांच्या सीरिजमध्ये हा पाचवा चित्रपट आहे.

रोहित शेट्टीने यावेळी स्वत:च्या चित्रपटात अॅक्शन, आस्था, रामलीला, देशभक्ती आणि देशप्रेमाचा पैलू जोडला आहे. या चित्रपटात करिना कपूर ही अजय देवगणच्या पत्नीची भूमिका साकारत आहे. चित्रपटात जॅकॅ श्रॉफ आणि अर्जुन कपूर हे खलनायकाच्या भूमिकेत आहेत. तर चित्रपटात दीपिका पदूकोन ही पोलीस अधिकाऱ्याची भूमिका साकारत आहे.

या चित्रपटात अजय देवगण, करीना कपूर, अक्षय कुमार, दीपिका पदूकोन, टायगर श्रॉफ, अर्जुन कपूर, जॅकी श्रॉफ हे कलाकार दिसून येतील. हा चित्रपट 1 नोव्हेंबर रोजी प्रदर्शित होणार आहे. सिंघम अगेन या चित्रपटांनी सॅटेलाइट, डिजिटल आणि म्युझिक राइट्सद्वारे प्रदर्शनापूर्वीच 200 कोटी रुपयांपेक्षा अधिक कमाई केली आहे.