क्यूबिकल्स 3 चा ट्रेलर सादर

सोनी लिव्हची बहुचर्चित सीरिज ‘क्यूबिकल्स सीझन 3’सोबत प्रेक्षकांच्या भेटीला येणार आहे. या सीरिजचा ट्रेलर प्रदर्शित करण्यात आला असून यात पीयूष प्रजापतिच्या रोलर कोस्टर राइड जीवनाची एक झलक दिसून येते. ट्रेलर जारी होताच सोशल मीडियावर मोठा प्रतिसाद मिळू लागला आहे.

सीरिजमध्ये पहिल्या पगारापासून स्वत:च्या कार्यालयीन जीवनात संतुलन राखण्याचा प्रयत्न करणाऱ्या पीयूष प्रजापतिची कहाणी यात दिसून येणार आहे. सर्वप्रकारचे उतारचढाव या शोमध्ये दिसून येतील. ही एक नोकरी करणाऱ्या पीयूषच्या जीवनाचे वर्णन करणारी सीरिज आहे.

क्यूबिकल्स सीझन 3 ऑफिस ड्रामा सीरिज 5 जानेवारी रोजी सोनी लिव्हवर प्रदर्शित होणार आहे. चैतन्य कुंभकोणम यांच्याकडून दिग्दर्शित आणि अरुणाभ कुमार यांच्याकडून क्यूबिकल्स 3 ची निर्मिती करण्यात आली आहे. या सीरिजमध्ये अभिषेक चौहान, बद्री चव्हाण, आयुषी गुप्ता, निकेतन शर्मा, केतकी कुलकर्णी निमित कपूर, खुशबू बैद, शिवांकित सिंह परिहार, अर्णव भसीन आणि प्रतीश मेहता मुख्य भूमिकेत आहेत.