‘अनेक’चा धमाकेदावर ट्रेलर प्रदर्शित

ईशान्येतील संघर्षावर आधारित चित्रपट

अभिनेता आयुष्मान खुरानाचा नवा चित्रपट ‘अनेक’चा ट्रेलर प्रदर्शित झाला आहे. आयुष्मान पहिल्यांदाच अंडरकव्हर पोलीस अधिकाऱयाच्या भूमिकेत दिसून येणार आहे. उत्तम संवादामुळे अनेकचा ट्रेलर अत्यंत गाजत आहे. ‘इंडिया इंडिया इंडिया... मैं इसी इंडिया की सुरक्षा के लिए काम करता हूं नॉर्थ ईस्ट में..’ हा डायलॉग बोलून आयुष्मानने स्वतःची ओळख या ट्रेलरमध्ये करून दिली आहे. फुटिरवाद, वंशद्वेष आणि देशाच्या सुरक्षेसाठी लढणाऱया अधिकाऱयाची भूमिका तो साकारत आहे.

या चित्रपटाची पटकथा तसेच दिग्दर्शनाची जबाबदारी अनुभव सिन्हा यांनी पेलली आहे. सिन्हा यांनी यापूर्वी थप्पड, आर्टिकल 15, मुल्क यासारख्या चित्रपटांचे दिग्दर्शन केले होते. चित्रपटाची निर्मिती भूषण कुमार यांची टी-सीरियज, बनारस मीडिया वर्क्सने मिळून केली आहे.

अनेक हा प्रत्यक्षात एक भारतीय होण्याच्या भावनेचा जल्लोष करणारा चित्रपट आहे.  ‘जोशुआ’ या भूमिकेसाठी मला शारीरिक आणि मानसिक स्वरुपात अनेक नव्या गोष्टी कराव्या लागल्या आहेत. योग्य मार्गदर्शन आणि प्रशिक्षणासह ही भूमिका साकारण्यासाठी सर्वोत्तम प्रयत्न पेले असल्याचे आयुष्मानने म्हटले आहे. हा चित्रपट 27 मे रोजी चित्रपटगृहांमध्ये झळकणार आहे.