भोस्ते घाटात बर्निंग कारचा थरार

खेड : मुंबई गोवा महामार्गावरील भोस्ते घाटात बुधवारी सकाळी 11:15 वाजण्याच्या सुमारास बर्निंग कारचा थरार पहावयास मिळाला. प्रसंगावधान राखत चालकासह एक प्रवासी तातडीने बाहेर पडल्याने मोठी जीवितहानी टळली. काही क्षणातच कार जळून भस्मसात झाली. अपघातामुळे घाटातील एकेरी मार्गावरील वाहतूक काही काळ ठप्प झाली. आगीचे नेमके कारण समजू शकले नाही. कार रत्नागिरी येथून सुरतच्या दिशेने जात होती.