‘तेरी बातों में उलझा जिया’चा सीक्वेल येणार

क्रीति सेनॉनने दिली माहिती

अभिनेत्री क्रीति सेनॉन सध्या स्वत:चा आगामी चित्रपट ‘दो पत्ती’वरून चर्चेत आहे. यापूवीं तिने रोमँटिक कॉमेडी चित्रपट ‘तेरी बातों में ऐसा उलझा जिया’मध्ये काम केले होते, यात तिने एका रोबोटची भूमिका साकारली होती. चित्रपटात तिच्यासोबत शाहिद कपूर मुख्य भूमिकेत होता. यात एक माणूस आणि रोबोटमधील प्रेमकहाणी दाखविण्यात आली होती. आता या चित्रपटाचा सीक्वेल येणार आहे.

तेरी बातों में उलझा जिया या चित्रपटाच्या सीक्वेलच्या कथेवर सध्या काम सुरू आहे. लवकरच निर्माण केल्या जाणाऱ्या सीक्वेलसाठी मी आणि शाहिद अत्यंत उत्सुक आहोत. शाहिदसोबत काम करणे माझ्यासाठी आनंददायी होते. आमच्यामधील केमिस्ट्री उत्तम होती असे माझे मानणे आहे. शाहिद हा सध्याचा आघाडीचा अभिनेता असल्याचे क्रीतिने सांगितले आहे.

तेरी बातों में उलझा जिया या चित्रपटात शाहिदने एक कॉम्प्युटर इंजिनियर आर्यनची भूमिका साकारली आहे. तर क्रीतिने रोबोट शिफ्रा (सुपर इंटेलिजेंट फीमेल रोबोट ऑटोमेशन) ही भूमिका साकारली होती. या चित्रपटात शाहिद कपूर, क्रीतिसोबत डिंपल कपाडिया, धर्मेंद्र यासारखे कलाकार दिसून आले होते.