पंतप्रधान 7-8 रोजी मलेशिया दौऱ्यावर

वृत्तसंस्था/ नवी दिल्ली

पंतप्रधान नरेंद्र मोदी 7 फेब्रुवारी रोजी मलेशियाच्या दोन दिवसांच्या दौऱ्यावर जाणार आहेत. पंतप्रधानांचा हा मलेशियाचा तिसरा आणि ऑगस्ट 2024 मध्ये भारत-मलेशिया संबंध ‘व्यापक धोरणात्मक भागीदारी’ वाढल्यानंतरचा पहिलाच दौरा असेल. या भेटीदरम्यान, पंतप्रधान मोदी मलेशियाचे पंतप्रधान अन्वर इब्राहिम यांच्याशी द्विपक्षीय चर्चा करतील. पंतप्रधान मलेशियामध्ये राहणाऱ्या भारतीय समुदायाच्या सदस्यांना देखील भेटतील. तसेच ते उद्योग आणि व्यवसायातील प्रतिनिधींशी संवाद साधतील. पंतप्रधानांच्या भेटीदरम्यान 10 वा भारत-मलेशिया सीईओ फोरम देखील आयोजित केला जाईल. भारत आणि मलेशियामध्ये ऐतिहासिक सभ्यता आणि सांस्कृतिक संबंधांवर आधारित दीर्घकालीन मैत्रीपूर्ण संबंध आहेत. मलेशियामध्ये भारतीय वंशाचे अंदाजे 29 लाख लोक राहत असून हा आकडा जगातील तिसऱ्या क्रमांकाचा सर्वात मोठा भारतीय डायस्पोरा आहे.