पीएफचा गैरवापर केल्यास व्याजासह रक्कम वसूल होणार

ईपीएफओचे सोशल मीडिया हँडलवर निवेदन

नवी दिल्ली :

कर्मचारी भविष्य निर्वाह निधी संघटनेने (ईपीएफओ) त्यांच्या सोशल मीडिया हँडलद्वारे एक निवेदन सादर केले आहे. जर सदस्यांनी चुकीच्या किंवा असमर्थित कारणांसाठी त्यांचा भविष्य निर्वाह निधी (पीएफ) काढला तर व्याजासह रक्कम वसूल केली जाणार आहे. यामध्ये दंड आणि भविष्यातील कर्जांवर बंदी देखील लागू केली जाऊ शकते. सदस्यांनी त्यांच्या पीएफ बचतीचा वापर केवळ इच्छित हेतूंसाठी करावा यासाठी ईपीएफओच्या चालू मोहिमेचा हा एक भाग आहे.

फसव्या पद्धतीने पैसे काढल्यास काय दंड आहेत?

ईपीएफ योजनेच्या कलम 68ँ(11) मध्ये फसव्या दाव्यांवर कठोर कारवाईची तरतूद आहे व्याजासह काढलेल्या रकमेची वसुली तीन वर्षांसाठी कोणतेही नवीन अॅडव्हान्स उपलब्ध राहणार नाहीत. गैरवापर केलेली रक्कम पूर्णपणे परतफेड होईपर्यंत पुढील पैसे काढण्यास मनाई राहणार आहे.

ईपीएफओ अधिक कठोर का होत आहे?

पीएफ निधी हा पगारदार कर्मचाऱ्यांच्या सेवानिवृत्ती योजनांचा एक महत्त्वाचा भाग आहे. ईपीएफ योजनेअंतर्गत पैसे काढणे केवळ काही विशिष्ट परिस्थितीतच करता येते. ती कारणे पुढीलप्रमाणे :

?निवृत्ती

?विवाह

?उच्च शिक्षण (स्वत:साठी किंवा मुलांसाठी)

?वैद्यकीय आणीबाणी

?घर खरेदी किंवा बांधकाम