नव्या शरीरसौष्ठव संघटनेचे उद्या उद्घाटन

बेळगाव : बेळगाव डिस्ट्रिक्ट बॉडी बिल्डर्स असोसिएशन अँड स्पोर्ट्स या नावाची नवी संघटना स्थापन करण्यात आली असून या संघटनेचा उद्घाटन समारंभ  बुधवार दि. 6 नोव्हेंबर रोजी 4 वाजता ओरिएंटल स्कूल शेजारील श्री संत तुकाराम महाराज सांस्कृतिक भवन येथे आयोजित करण्यात आल्याची  माहिती संघटनेचे अध्यक्ष उद्योजक महेश सातपुते यांनी दिली. हॉटेल मिलन येथे आयोजित पत्रकार परिषदेमध्ये ते बोलत होते.पत्रकार परिषदेस  इंडियन बॉडी बिल्डिंग फेडरेशनचे अध्यक्ष सुरेश कदम, अनिल अंबरोळी, राजेश लोहार, सुनील चौधरी, बाबू पावशे, नारायण चौगुले, आदींसह अन्य पदाधिकारी आणि सदस्य उपस्थित होते.

सदर संघटना इंडियन बॉडी बिल्डिंग फेडरेशनसी संलग्न असून इंडियन ऑलंम्पिक असोसिएशन कडून मान्यता प्राप्त असल्याचे त्यांनी सांगितले. बेळगाव डिस्ट्रिक्ट बॉडी बिल्डर्स असोसिएशन अँड स्पोर्ट्स संघटनेची कार्यकारिणी पुढील प्रमाणे  अध्यक्ष-महेश सातपुते, उपाध्यक्ष -सुनील एच. चौधरी  व बाबू एम. पावशे, खजिनदार -नारायण एम. चौगुले,  सरचिटणीस -राजेश जी. लोहार, सहाय्यक चिटणीस -डॉ अमित एस. जडे, संयोजक सचिव -अनिल जी. अंबरोळी, सहाय्यक सचिव -जितेंद्र बी. काकतीकर, तांत्रिक संचालक -भरत  बाळेकुंद्री, सुनील बोकडे, प्रेमकांत पाटील, चेतन ताशिलदार, विजय चौगुले, विनोद मेत्री व सिद्धार्थराजे सावंत आदी मान्यवरांचा समावेश आहे.