घरपोच घरफाळा बिलांसाठी पालिकेने खर्च केले दोन कोटी

कोल्हापूर / दीपक जाधव :

शहरातील मिळकतधारकांना घरफाळा बिले वेळेत भरता येण्यासाठी ती घरपोहोच पाठविण्याची योजना महापालिपेने सुरु केली. आहे. त्यासाठी महापालिकेकडून नऊ वर्षात 1 कोटी 11 लाख 38 हजार 667 मिळकत धारकांना घरफाळा बिले घरपोहोच करण्यासाठी तब्बल 1 कोटी 95 लाख 46 हजार 654 रुपये खर्च केले आहेत. एका बिलासाठी पोस्ट खात्याला महापालिका प्रशासन 17 रुपये 50 पैसे दिले जातात. 

चालु आर्थिक वर्षासाठी प्रशासनाने घरफाळा विभागाला 104 कोटीचे टार्गेट दिले आहे. मिळकत धारकांना लवकर घरफाळा भरता यावा यासाठी पालिकेकडून भारतीय डाक विभागाच्या वतीने घरपोहोच बिले देणार आहेत. परिणामी नागरिकांना बिले भरणे सोयीचे होणार आहे. त्यामध्ये बिल भरण्यासाठी असलेल्या सवलतीनुसार रक्कम भरता येणार आहे. जूनअखेर घरफाळा भरल्यास बिलात 6 टक्के सवलत आहे. सध्या महापालिकेच्या घरफाळा विभागाकडे चार विभागीय कार्यालयासह अधिक्षकांपासुन ते शिपाईपर्यंत एकूण 69 कर्मचारी आहेत. त्यातील 36 लिपीक आहेत. उर्वरित 30 कर्मचारी संपूर्ण शहरात वेळेत बिले वाटु शकत नाहीत. त्यामुळेच नागरिकांना घरफाळा बिलाची सवलत मिळत नाही. याउलट शहरात पोस्ट विभागाकडे 110 पोस्टमन असुन ते पूर्ण दिवसभर काम करत असल्याने मिळकतधारकांना वेळेत बिले मिळत असून त्यांना सवलतीचा फायदा ही मिळत आहे.

सध्या  महापालिकेच्या घरफाळा विभागाकडे कर्मचारी कमी आहेत. त्यांच्याकडून मिळकतधारकांना वेळेत बिले मिळत नाहीत. त्यामुळेच त्यांना घरफाळा बिलाची सवलत मिळत नाही. यासाठी आपण पोस्ट ऑफिसच्यावतीने घरपोहोच बिले देणार आहे.

                                                                                          सुधाकर चल्लावाड, घरफाळा अधीक्षक.

•  नागरिकांची सोय

- बिलावर क्युआर कोड

- क्यूआर कोड स्कॅन केल्यानंतर तत्काळ बिल भरता येणार

- शहरातील 12 पोस्ट ऑफिसमधून स्पीड पोस्टची सेवा

•  सध्याचे मिळकतधारक

गांधी मैदान विभागीय कार्यालय                  60,877

छत्रपती शिवाजी मार्केट कार्यालय               27,853

राजारामपुरी विभागीय कार्यालय                32,811

छत्रपती ताराराणी वि. कार्यालय                 42,894

प्रलंबित जनरेशन                                   650

एकूण                                               1,65,085

वर्षे                                 मिळकतधारक                                  पोस्टाला अदा रक्कम

2016-2017                                  1 लाख 27 हजार 565                                               22 लाख 32 हजार 389

2017-2018                                 1 लाख 35 हजार 267                                               23 लाख 67 हजार 182

2018-2019.                                1 लाख 20 हजार 567                                               21 लाख 09 हजार 926

2019-2020.                                1 लाख 09 हजार 867                                             19 लाख 22 हजार 149

2020-2021                                88 हजार 803                                                            15 लाख 54 हजार 57

2021-2022.                              1 लाख 28हजार 477                                                 22 लाख 48हजार 355

2022-2023                                 1 लाख 32 हजार 830                                             23 लाख 24 हजार 542

2023-2024                                 1 लाख 34 हजार 935                                              23 लाख 61 हजार 372

2024-2025                                1 लाख 38 हजार 667                                                 24 लाख 26 हजार682