जगातील सर्वात मोठा वृक्ष

सिकोइया नॅशनल पार्कमध्ये एक जिवंत विशाल आकाराचा वृक्ष असून त्याने अनेक साम्राज्यांची उभारणी आणि पतन पाहिले आहे. जनरल शेरमेनाला अधिकृत स्वरुपात पृथ्वीवरील सर्वात मोठा वृक्ष मानले जाते. या वृक्षाचे वयोमान 2200 ते 2700 वर्षांदरम्यान असल्याचे मानण्यात येते. म्हणजेच अनेक जुन्या संस्कृती जेव्हा उदयास येत होत्या तेव्हापासून हा वृक्ष अस्तित्वात आहे.

जनरल शेरमेन जवळपास 275 फूट उंच आहे. म्हणजेच हा जगातील सर्वात उंच वृक्ष नाही, परंतु याचा खरा विक्रम याच्या खोडाच्या आकाराचा आहे. हा जवळपास 52,500 क्यूबिक फूटाचा वृक्ष आहे. जमिनीवर याच्या खोडाचा व्यास जवळपास 36 फूट असून याचे एकूण वजन जवळपास 1.27 दशलक्ष किलोग्रॅम असल्याचा अंदाज आहे. याचे वजन जवळपास 7 प्रौढ ब्ल्यू व्हेलइतके आहे.

200 वर्षांपेक्षा जुना असूनही हा वृक्ष अद्याप जिवंत असून त्याची वाढ होतेय. दरवर्षी हा वृक्ष इतके 60 फूट उंच वृक्षासमान लाकडाची भर टाकत आहे. 2006 मध्ये याच्या सर्वात मोठ्या फांद्यांपैकी एक जवळपास 100 फूट लांब आणि 7 फूट रुंद होती. ही एकच फांदी अनेक पूर्ण वृक्षांपेक्षाही मोठी होती.

या वृक्षाच्या जिवंत राहण्यामागे याची स्वत:ची नॅचरल डिफरेंट सिस्टीम आहे. याची साल जवळपास 2 फूट जाड आण अत्यंत अधिक रेशेदार असते. यामुळे हे जंगलातील आगीचा सामना करू शकते. साल हळूहळू जळते, ज्यामुळे आतील थर खराब होण्यापासून वाचतात. याचबरोबर याच्या लाकडामध्ये टॅनिन अत्यंत अधिक असते. हे एक नैसर्गिक रसायन असते, जे सडण्यापासून रोखते आणि कीड्यांना दूर करते.

अन्य विक्रमी वृक्ष

परंतु हा वृक्ष आकाराच्या हिशेबाने सर्वात मोठा असला तरीही अन्य वृक्षांच्या नावावर वेगवेगळे विक्रम आहेत. चिलीत ‘ग्रेट ग्रँडफादर’ नावाने ओळखला जाणारा एक सरूचा वृक्ष जवळपास 5400 वर्षांपेक्षा अधिक जुना मानला जातो. जगातील सर्वात उंच वृक्ष हायपरियन आहे. हा एक कोस्ट रेडवुड असून तो 380 फुटांपेक्षा अधिक उंच आहे.