आयपीएल 2026 हंगाम रोमांचक टप्प्यात

खडतर संघर्षानंतर चार संघाची प्ले-ऑफमध्ये धडक :

आयपीएल 2026 च्या हंगामातील लीग टप्पा संपला असून दावेदार समोर आले आहेत. दरम्यान, विजेतेपदाची शर्यत आता सर्वात रोमांचक टप्प्यात पोहोचली आहे. संघांची पडझड, पुनरागमन आणि शेवटच्या षटकापर्यंतच्या नाट्यामय घडामोडींनी भरलेल्या 70 सामन्यांनंतर, रॉयल चॅलेंजर्स बेंगळूर, गुजरात टायटन्स, सनरायझर्स हैदराबाद आणि राजस्थान रॉयल्स या संघांनी खडतर संघर्षानंतर प्लेऑफमध्ये धडक मारली आहे. अंतिम चार संघांमध्ये तीन माजी विजेते आणि गतविजेते आरसीबी असल्याने आयपीएल 2026 मध्ये एका प्रस्थापित बलाढ्या संघाला विजेतेपद मिळणे निश्चित आहे.

मागील हंगामात आरसीबीने पंजाब किंग्स संघावर ऐतिहासिक पहिला विजय मिळवून अखेर आपला विजेतेपदाचा दुष्काळ संपवला होता. या वषीचे प्लेऑफ हे सिद्ध झालेल्या बलाढ्या संघांमधील लढाई असेल. आरसीबी, गुजरात आणि हैदराबाद या संघांनी 14 सामन्यांमधून प्रत्येकी नऊ विजय आणि पाच पराभवांसह 18 गुण मिळवले आहेत. आरसीबीने 0.783 च्या उत्कृष्ट नेट रन-रेटच्या जोरावर गुजरात (0.695) आणि एसआरएच (0.524) यांना मागे टाकत अव्वल स्थान पटकावले आहे. मुंबई इंडियन्सवर अंतिम दिवशी नाट्यामय विजय मिळवल्यानंतर राजस्थान रॉयल्सने 16 गुणांसह चौथे आणि अंतिम प्लेऑफ स्थान निश्चित केले आहे.

गुणतालिकेत अव्वल स्थानी असलेल्या आरसीबीचा सामना मंगळवार दि. 26 मे रोजी धर्मशाला येथे क्वालिफायर 1 मध्ये गुजरातशी होईल तर हैदराबादचा सामना 27 मे रोजी मुल्लानपूर येथे एलिमिनेटरमध्ये राजस्थानशी होईल. क्वालिफायर 1 मधील पराभूत संघ 29 मे रोजी क्वालिफायर 2 मध्ये एलिमिनेटरच्या विजेत्यांशी सामना करेल. त्यानंतर 31 मे रोजी अहमदाबाद येथील नरेंद्र मोदी स्टेडियमवर भव्य अंतिम सामना होणार आहे.

या हंगामात अनेक रोमांचक उलथापालथी आणि मोठे पराभवही पाहायला मिळाले. लखनौ सुपर जायंट्स 14 सामन्यांमध्ये केवळ चार विजयांसह तळाशी राहिले तर पाचवेळच्या विजेत्या मुंबई इंडियन्सचे नेट रन-रेटच्या आधारावर शेवटचे स्थान थोडक्मयात बचावले आहे. सलग सहा विजयांच्या स्वप्नवत सुऊवातीनंतर सलग सहा सामने गमावल्याने पंजाब किंग्सला या हंगामातील सर्वात नाट्यामय पडझडीचा सामना करावा लागला.

रॉयल चॅलेंजर्स बेंगळूर : गतविजेत्यांची विजयी घोडदौड

गतविजेत्यांनी आयपीएल 2026 मध्ये अपेक्षांचे ओझे घेऊन प्रवेश केला आणि ते मोठ्या प्रमाणावर खरे उतरले. आरसीबीने सनरायझर्स हैदराबादवर दणदणीत विजय मिळवून आयपीएल 2026 ची चांगली सुऊवात केली. त्यानंतर चेन्नई सुपर किंग्स आणि मुंबई इंडियन्सविऊद्धच्या विजयांनी संघाला सुऊवातीलाच गती दिली. जरी कामगिरीतील सातत्यहीन टप्प्यांमुळे त्यांच्या मोहिमेला खीळ बसण्याची शक्मयता निर्माण झाली असताना आरसीबीने वारंवार पुनरागमन करण्याचे मार्ग शोधले. लीग टप्प्याचा शेवट हैदराबादकडून पराभवाने झाला असला तरी आरसीबीच्या उत्तम नेट रन-रेटने त्यांना अव्वल स्थान मिळवून दिले आहे.

गुजरात टायटन्स : संथ सुऊवात, निर्दयी शेवट 

सुऊवातीचे दोन सामने गमावल्यामुळे आणि लय हरवल्यामुळे जीटी संघ सुऊवातीला डळमळीत दिसत होता. पण नंतर स्थिरावल्यानंतर ते स्पर्धेतील सर्वात बलाढ्या संघांपैकी एक बनले. दिल्लीविऊद्धचा एक धावेचा नाट्यामय विजय त्यांच्या हंगामातील एक महत्त्वाचा टर्निंग पॉईंट ठरला. तिथून पुढे, गुजरातने हंगामाच्या मध्यात लखनौ, केकेआर, चेन्नई, पंजाब, राजस्थान आणि हैदराबाद संघांना पराभूत करत एक जबरदस्त वेग पकडला. दमदार आघाडीच्या फलंदाजीने आणि शिस्तबद्ध गोलंदाजीने त्यांना लीगमधील सर्वात संतुलित संघांपैकी एक बनवले. आणि अखेरीस त्यांनी गुणतक्त्यात 18 गुणांसह दुसरे स्थान पटकावले आहे.

सनरायझर्स हैदराबाद : योग्यवेळी शिखरावर 

हैदराबादने पुन्हा एकदा स्पर्धेतील सर्वात स्फोटक फलंदाजी करणारा संघ म्हणून स्वत:ला सिद्ध केले आहे. आरसीबीकडून पराभवाने हंगामाची सुऊवात करूनही पॅट कमिन्सच्या नेतृत्वाखालील संघाने लवकरच आपला निर्भय क्रिकेटचा बाज पुन्हा मिळवला. कोलकाता, राजस्थान, दिल्ली आणि मुंबई यांच्यावरील मोठ्या विजयांनी त्यांच्या प्रचंड ताकदीच्या जोरावर प्रतिस्पर्ध्यांवर मात करण्याची क्षमता दाखवून दिली. सलग पाच सामन्यांच्या विजयाने त्यांना सुऊवातीच्या संघर्षातून खऱ्या अर्थाने विजेतेपदाचे दावेदार बनवले. शेवटच्या साखळी सामन्यात आरसीबीचा 55 धावांनी धुव्वा उडविला. बाद फेरीपूर्वीचा त्यांचा हा एक महत्त्वपूर्ण विजय होता.

राजस्थान रॉयल्स : सर्वात शेवटी प्लेऑफमध्ये 

राजस्थान रॉयल्स इतर संघांपेक्षा उशिरा प्लेऑफमध्ये दाखल झाला असला तरी फार कमी संघांनी इतकी लवचिकता दाखवली आहे. राजस्थान रॉयल्सने हंगामाची सुऊवात शानदार केली. ज्यात त्यांनी चेन्नई, गुजरात, मुंबई इंडियन्स आणि आरसीबी संघांना पराभूत केले. दरम्यान, हैदराबाद आणि कोलकाता नाईट रायडर्स  यांच्याकडून झालेल्या सलग पराभवांमुळे त्यांची गती मंदावली. हंगामाच्या उत्तरार्धात दिल्ली पॅपिटल्स आणि गुजरात यांच्याकडून झालेल्या पराभवांमुळे त्यांच्या प्लेऑफच्या आशा अगदीच क्षीण झाल्या होत्या. दिल्ली आणि लखनौविऊद्धच्या महत्त्वपूर्ण विजयांनी त्यांच्या मोहिमेला पुनऊज्जीवित केले.