’सागवान’ चित्रपट लवकरच झळकणार

उदयपूरचे पोलीस अधिकारी हिमांशु सिंह राजावत यांनी खाकीची प्रतिष्ठा आणि समाजातील कटू सत्याला एकत्र आणत असा चित्रपट तयार केला आहे, जो लवकरच प्रदर्शित होईल. दक्षिण राजस्थानच्या सागवानच्या जंगलांमधील कहाणी केवळ मर्डर मिस्ट्रीपुरती मर्यादित नाही. हा चित्रपट निष्पापांच्या जीवाचा शत्रू ठरलेल्या अंधश्रद्धेवर प्रहार करणारा आहे. चित्रपटात खरा पोलीस अधिकारी पोलिसिंग करताना पाहणे प्रेक्षकांसाठी वेगळा अनुभव असणार आहे. राजावत यांनी यात मुख्य भूमिका साकारण्यासह लेखन आणि दिग्दर्शनाची धुराही सांभाळली आहे. ही केवळ एका प्रकरणाची फोटोकॉपी नसून माझ्या कारकीर्दीतील शेकडो अनुभवांचे मिश्रण आहे, जेथे मी माणुसकीला अंधश्रद्धेसमोर गुडघे टेकवताना पाहिले, असे राजावत यांनी म्हटले आहे. चित्रपटात सयाजी शिंदे, मिलिंद गुणाजी, एहसान खान आणि रश्मि मिश्रा हे कलाकारही दिसून येणार आहेत. निर्माते प्रकाश मेनारिया आणि सह-निर्माते अर्जुन पालीवाल यांनी चित्रपटात राजस्थानी पार्श्वभूमी कायम ठेवली आहे.