"न्यायालयाची प्रतिमा राजकारणी डागाळतात" सरन्यायाधीश शिवसेना ठाकरे पक्षावर का भडकले?

CJI Suryakant on UBT| सर्वोच्च न्यायालयाचे सरन्यायाधीश सुर्यकांत यांनी केलेल्या एका टिप्पनीची सध्या सर्वत्र चर्चा होताना दिसत आहे. उद्धव ठाकरे यांच्या नेतृत्वाखालील शिवसेनेच्या (यूबीटी) नेत्यांनी केलेल्या वक्तव्यांवर सरन्यायाधीशांनी(CJI) नाराजी व्यक्त केली आहे.

शिवसेनेचे निवडणूक चिन्ह 'धनुष्यबाण' संदर्भात शुक्रवारी सर्वोच्च न्यायालयात दाखल झालेल्या एका वादावर सुनावणी करताना सरन्यायाधीशांनी नाराजी व्यक्त केली. ते म्हणाले की, एकीकडे वकील तारखा मागतात, तर दुसरीकडे त्यांचे नेते बाहेर जाऊन न्यायालयाची प्रतिमा मलीन करतात.

 जून २०२२ मध्ये शिवसेनेत फूट पडल्यापासून एकनाथ शिंदे धनुष्यबाण हे चिन्ह वापरत आहेत. उद्धव ठाकरे यांनी यावर आक्षेप घेतला आहे. हे संपूर्ण प्रकरण सर्वोच्च न्यायालयात प्रलंबित आहे.

धनुष्यबाण आणि शिवसेना नावावर  चर्चा

शिवसेनेचे नाव आणि 'धनुष्यबाण' या निवडणूक चिन्हावरून सुरू असलेल्या वादावर शुक्रवारी सर्वोच्च न्यायालयात जोरदार चर्चा झाली. सरन्यायाधीश सूर्यकांत आणि न्यायमूर्ती जॉयमाल्य बागची यांच्या खंडपीठाने, माजी मुख्यमंत्री उद्धव ठाकरे यांच्या शिवसेनेच्या नेत्यांकडून न्यायव्यवस्थेविरोधात केल्या जात असलेल्या वक्तव्यांवर नाराजी व्यक्त केली.

असे वर्तन खपवून घेतले जाणार नाही, असा स्पष्ट इशारा न्यायालयाने दिला. सुनावणीदरम्यान, जेव्हा ठाकरे गटाचे वकील देवदूत कामत यांनी खटल्याची लवकर सुनावणी घेण्याची विनंती केली, तेव्हा सरन्यायाधीश सूर्यकांत यांनी त्यांना मध्येच थांबवून माध्यमांमध्ये केल्या जात असलेल्या वक्तव्यांबद्दल फटकारले.