बोरी येथील पूल 1 रोजी आठ तास पूर्णपणे बंद

मडगाव : बोरी पुलाचे दुरूस्तीकाम सद्या सुरू असून शनिवार दि. 1 नोव्हेंबर रोजी रात्री 8 ते रविवार दि. 2 नोव्हेंबर रोजी पहाटे 4 वाजे पर्यंत बोरी पूल सर्व प्रकारच्या वाहतुकीसाठी आठ तास बंद ठेवला जाणार आहे. या संदर्भातील आदेश सार्वजनिक बांधकाम खात्याच्या कार्यकारी अभियंत्यांनी जारी केला आहे. बोरी पुलावर सद्या वाहतुकीसाठी लोखंडी कमान उभारली असून ही कमान हटविण्याचे काम शनिवारी रात्री 8 वाजता हाती घेतले जाणार आहे. हे काम रविवारी पहाटे 4 पर्यंत चालणार आहे. ही लोखंडी कमान घालण्यासाठी अशाच प्रकारे बोरी पुलावरील सर्व प्रकारची वाहतूक बंद करण्यात आली होती. मात्र, हे काम लांबल्याने वाहनचालकांची बरीच गैरसोय झाली होती.