ठकसेन पूजा नाईक पोहोचली आता डिचोली पोलिसस्थानकात

डिचोली : सरकारी नोकरीसाठी पैसे घेऊन फसवणूक केल्याप्रकरणी म्हार्दोळ पोलिसांनी अटक करण्यात आलेल्या ओल्ड गोवा येथील ठकसेन पूजा पुरुषोत्तम नाईकला आता  डिचोली पोलिसांकडून अटक करण्यात आली आहे. डिचोली पोलिस्थानकातही पूजा नाईक हिच्याविरोधात नोकरीसाठी पैसे घेऊन फसवणूक केल्याप्रकरणी तक्रार नोंद झाली आहे. त्या तक्रारीवरून पूजा नाईक हिला अटक करण्यात आली आहे. डिचोली पोलिसस्थानकात आठ दिवसांपूर्वी एका व्यक्तीने नोकरीसाठी पूजा नाईक हिला दोन लाख ऊपये दिले होते पण तिने नोकरी न देता फसवणूक केल्याची तक्रार केली आहे. गेल्या दोन वर्षांपूर्वी हा व्यवहार झाला होता. एका खात्यात शिपाईचे पद रिक्त असून सदर पदावर लगेच भरती करण्याचे आमिष दाखवून दोन लाख ऊपये एका इसमाकडून पूजा नाईकने घेतले होते. परंतु सदर काम झालेच नाही, उलट पैसे परत मागितले असता पैसे देण्यास चालढकल केली. या चालढकल वृत्तीमुळे तक्रारदार हैराण झाला होता. वारंवार पैसे मागूनही पूजा नाईक  पैसे देत नसल्याने तसेच पूजा हिच्याविरूद्ध आता विविध पोलिसस्थानकांत तक्रारी होऊ लागल्यानंतर डिचोलीतील या इसमानेही डिचोली पोलिसात तक्रार केली आहे, त्यानुसार तिला काल मंगळवारी अटक करण्यात आली.