टेस्ला कंपनीचे भारतात पहिले ‘टेस्ला सेंटर’ उघडणार

वृत्तसंस्था/नवी दिल्ली

जगातील सर्वात श्रीमंत व्यक्ती आणि अमेरिकन उद्योगपती एलॉन मस्क यांच्या ईव्ही उत्पादन कंपनीने भारतात आपले कामकाज सुरू केले आहे. सध्या, एलॉन मस्क यांच्या टेस्ला कंपनीच्या भारतात दोन शोरूम्स कार्यरत आहेत. ही शोरूम्स मुंबई आणि दिल्ली येथे आहेत. आता, टेस्ला भारतातही आपले पहिले टेस्ला सेंटर उघडत आहे. भारतातील पहिले टेस्ला सेंटर याच महिन्यात सुरु होणार आहे. टेस्ला आता भारतात आपले पहिले टेस्ला सेंटर उघडत आहे. कंपनी गुरुग्राममध्ये हे टेस्ला सेंटर उघडणार आहे. गुरुग्रामच्या आर्केड बिझनेस पार्कमध्ये हे सेंटर सुरु करेल. हे सेंटर 26 नोव्हेंबर रोजी उघडणार आहे. भारत टेस्लाचा 50 वा जागतिक बाजार बनला आहे हे लक्षात घ्यावे. टेस्लाने अलीकडेच भारतात आपल्या मॉडेल वाय ईव्हीचे दोन प्रकार सादर केले आहेत.