For the best experience, open
https://m.tarunbharat.com
on your mobile browser.

घसरलेल्या किमतींमुळे चहा संघटना काळजीत

06:56 AM May 11, 2024 IST | Tarun Bharat Portal
घसरलेल्या किमतींमुळे चहा संघटना काळजीत
Advertisement

प्रख्यात संस्था इंडियन टी असोसिएशनची माहिती

Advertisement

वृत्तसंस्था/ नवी दिल्ली

कमी उत्पादन आणि घसरलेल्या किमतींमुळे भारतीय चहा उद्योगाची चिंता वाढली आहे. प्रख्यात संस्था इंडियन टी असोसिएशनने (आयटीए) सांगितले की, आसामच्या ब्रह्मपुत्रा खोरे आणि पश्चिम बंगालमध्ये वाढते तापमान आणि अपुऱ्या पावसामुळे उत्पादनावर विपरित परिणाम झाला आहे. याशिवाय, संपूर्ण एप्रिल महिन्यात आसामच्या बराक खोऱ्यातील अनेक चहाच्या बागांमध्ये जोरदार वाऱ्यासह पाऊस आणि गारपिटीमुळे, दुसऱ्या हंगामातील उत्पादन आणि या भागातील एकूण उत्पादनात घट होण्याची चिंता व्यक्त केली जात आहे.

Advertisement

टी बोर्ड डेटाचा हवाला देत असोसिएशनने म्हटले आहे की जानेवारी ते मार्च 2024 दरम्यान, उत्तर भारतातील चहाचे उत्पादन 21 दशलक्ष किलोग्रॅमने कमी झाले आहे आणि संपूर्ण देशातील उत्पादन 13 दशलक्ष किलोग्रॅमपेक्षा कमी झाले आहे. तथापि, आकडेवारीनुसार, दक्षिण भारतात जानेवारी ते मार्च या कालावधीत चहाचे उत्पादन वाढले. घसरलेले उत्पादन आणि चहाच्या किमतीतील घसरणीमुळे परिस्थिती आणखी बिकट झाली. जानेवारी ते मार्च या कालावधीत भारतातील सर्व लिलाव केंद्रांमध्ये चहाच्या किमतीत घसरण होत आहे. त्यामुळे चहा उत्पादकांवर आर्थिक ताण वाढला आहे.

Advertisement
Tags :

.