टाटा मोटर्सचा समभाग घसरणीत

मुंबई : ऑटोमोबाईल क्षेत्रातील कंपनी टाटा मोटर्सचा समभाग गुरुवारी शेअरबाजारात 5 टक्के इतका घसरणीत होता. सदरची घसरण ही टाटा मोटर्सला सप्टेंबरच्या तिमाहीमध्ये निव्वळ तोटा सहन करावा लागल्याच्या कारणास्तव दिसून आली. कंपनीचा समभाग गुरुवारी बीएसईवर 5 टक्के घसरत 409 रुपयांवरती स्थिरावला होता. सप्टेंबर तिमाहीत कंपनीने 944 कोटींचा तोटा सहन केला आहे. कंपनीचा महसूल याच कालावधीत 30 टक्के वाढून 78 हजार 846 कोटी रुपयांवर पोहोचला आहे.