For the best experience, open
https://m.tarunbharat.com
on your mobile browser.

टाटा मोर्ट्सने कमाईमध्ये टीसीएसला टाकले मागे

06:49 AM May 16, 2024 IST | Tarun Bharat Portal
टाटा मोर्ट्सने कमाईमध्ये टीसीएसला टाकले मागे
Advertisement

चौथ्या तिमाहीत टाटा मोर्ट्सचा नफा 17,583 कोटींवर

Advertisement

मुंबई :

टाटा समूहाची ऑटोमोबाईल कंपनी टाटा मोटर्सला गेल्या आर्थिक वर्षाच्या चौथ्या तिमाहीत एकूण 17,583 कोटी रुपयांचा नफा झाला होता, जो समूहाच्या प्रमुख कंपनी टाटा कन्सल्टन्सी सर्व्हिसेस (टीसीएस) च्या 12,434 कोटी रुपयांच्या निव्वळ नफ्यापेक्षा जास्त आहे पेक्षा जास्त. आर्थिक वर्ष 2024 च्या मार्च तिमाहीत टाटा मोटर्सचा एकूण निव्वळ नफा मागील वर्षीच्या 5,573.8 कोटी रुपयांच्या तुलनेत 213.7 टक्क्यांनी वाढला आहे.

Advertisement

या कालावधीत टीसीएसच्या निव्वळ नफ्यात गेल्या वर्षीच्या याच तिमाहीच्या तुलनेत केवळ 9.1 टक्क्यांनी वाढ झाली आहे. समूहाची आणखी एक मोठी कंपनी टाटा स्टीलचे चौथ्या तिमाहीचे निकाल अजून आलेले नाहीत. जानेवारी-मार्च 2024 साठी निकाल लागलेल्या टाटा समूहाच्या 16 कंपन्यांचा एकूण निव्वळ नफा एका वर्षापूर्वीच्या तुलनेत 64 टक्क्यांनी वाढून 33,217 कोटी रुपये झाला आहे.

टाटा मोटर्सने समूहाच्या नफा कमावणाऱ्या कंपन्यांमध्ये अव्वल स्थान मिळवण्याची दहा वर्षांतील ही पहिलीच वेळ आहे. यापूर्वी आर्थिक वर्ष 2015 च्या पहिल्या तिमाहीत टाटा मोटर्स नफ्याच्या बाबतीत आघाडीवर होती. त्यानंतर कंपनीला 5,330.6 कोटी रुपयांचा नफा झाला होता आणि ऊण्ए चा निव्वळ नफा 5,186.60 कोटी रुपये होता आणि टाटा स्टीलचा निव्वळ नफा 400.60 कोटी रुपये होता.

चौथ्या तिमाहीत टाटा मोटर्सचा प्रचंड नफा असूनही, संपूर्ण वर्षभर टीसीएस ही टाटा समूहाची सर्वात नफा मिळवणारी कंपनी राहिली आहे. आर्थिक वर्ष 2024 मध्ये ऊण्ए चा एकूण निव्वळ नफा 46,625 कोटी रुपये होता, तर टाटा मोटर्सचा आकडा 32,078 कोटी रुपये होता.

समूहाची होल्डिंग कंपनी टाटा सन्स गेल्या काही काळापासून सतत टाटा मोटर्समध्ये भांडवल टाकत आहे, ज्यामुळे कंपनीची आर्थिक स्थिती लक्षणीयरीत्या सुधारली आहे. टाटा सन्सने टाटा मोटर्समध्ये सर्वाधिक 22,658 कोटी रुपयांची इक्विटी गुंतवणूक केली आहे.

टाटा मोटर्सची आर्थिक स्थिती मजबूत झाल्यामुळे टाटा सन्सला समूहाच्या इलेक्ट्रॉनिक्स उत्पादन, ई-कॉमर्स आणि विमान वाहतूक यासारख्या नवीन उपक्रमांमध्ये अधिक गुंतवणूक करणे सोपे होईल. 2021 मध्ये, जेव्हा जगभरात स्टीलच्या किमती वाढत होत्या, तेव्हा टाटा  स्टील समूहाची सर्वात फायदेशीर कंपनी बनली.

Advertisement
Tags :

.