टाटा समूह ‘बॅटरीकंपनी’ सुरु करणार

मजबूत योजना आखण्याच्या तयारीत

वृत्तसंस्था /नवी दिल्ली

टाटा समूह देश आणि विदेशामध्ये ‘बॅटरी कंपनी’ सुरु करणार आहे. यासाठी आवश्यक ती तयारी करण्यात येत आहे, अशी माहिती टाटा सन्सचे अध्यक्ष एन चंद्रशेखरन यांनी दिली आहे.

भारतीय उद्योग परिसंघ (सीआयआय) यांच्याकडून आयोजित करण्यात आलेल्या ‘बिझनेस समिट-2022’मध्ये चंद्रशेखरन यांनी म्हटले आहे, की आमचा समूह हा भविष्यासाठी तयार असून आगामी काळात मोठय़ा प्रमाणात बदल करण्यात येणार आहेत. शून्य कार्बन उत्सर्जन असणारा समूह आम्ही बनविणार असल्याचे ध्येय प्राप्त करणार असल्याचेही त्यांनी यावेळी नमूद केले आहे.

आगामी काळात बदलाचे संकेत : अध्यक्ष चंद्रशेखरन

• प्रमुख व्यवसायांना भविष्यातील बदलांकरीता तयार करणार
• ज्यामध्ये व्यवसायात डिजिटल, डाटा, कृत्रिम बुद्धिमता विभाग मजबूत करणार
• अशा प्रकारचे अनेक घटक एका साखळीत जोडण्यावर देणार भर
• जागतिक बाजारासाठी 5जी तयार करण्यासोबत दूरसंचार उपकरणं निर्मितीसाठीही एक कंपनी सुरु करणार
• विदेशातही बॅटरी कंपनी