‘तनू वेड्स मनु 3’ची पटकथा पूर्ण

आर. माधवन अन् कंगना पुन्हा एकत्र

यशस्वी बॉलिवूड फ्रेंचाइजी ‘तनू वेड्स मनु’चा तिसरा चित्रपट लवकरच प्रेक्षकांच्या भेटीला येणार आहे. दिग्दर्शक आनंद एल राय आणि त्यांचे सहकारी हिमांशू शर्मा यांनी तनू वेड्स मनु 3 चित्रपटाच्या कहाणीला अंतिम रुप दिले आहे. नवा चित्रपट कॉमेडी, रोमान्स आणि नाट्यामयतेच्या स्वत:च्या अनोख्या मिश्रणाला कायम ठेवत सादर होणार आहे.

तनु वेड्स मनु 3 या चित्रपटात कंगना तिहेरी भूमिकेत दिसून येऊ शकते. कंगना देखील या पूर्ण कहाणीची आतुरतेने प्रतीक्षा करत आहे. आनंद एल. राय सध्या तेरे इश्क में या स्वत:च्या आगामी चित्रपटावर काम करत आहेत. हा चित्रपट पूर्ण झालयावर ते तनु वेड्स मनु 3 या चित्रपटावर काम सुरू करणार आहेत. चित्रपटाचे चित्रिकरण पुढील वर्षी सुरू होण्याची शक्यता आहे. 2026 मध्ये हा नवा चित्रपट प्रदर्शित होणार आहे.

आनंद एल राय यांच्या दिग्दर्शनात तयार झालेला चित्रपट ‘तनु वेड्स मनु’ 2011 मध्ये प्रदर्शित झाला होता. यानंतर 2015 मध्ये तनु वेड्स मनु रिटर्न्स’ चित्रपट प्रदर्शित करण्यात आला होता. दोन्ही चित्रपटांनी बॉक्स ऑफिसवर चांगली कामगिरी केली होती. आता प्रेक्षकांना याच्या तिसऱ्या चित्रपटाबद्दल उत्सुकता लागून राहिली आहे.