स्विगीचे ‘गुरु’ एआय असिस्टंट फिचर

रेस्टॉरंट पार्टनर्ससाठी हे फिचर काम करणार असल्याची माहिती

वृत्तसंस्था, नवी दिल्ली

स्विगीने आपल्या रेस्टॉरंट पार्टनर्ससाठी ‘गुरू’ नावाचे एक विशेष फीचर सादर केले आहे. गुरू हा एक अनोखा एआय असिस्टंट आहे, जो रेस्टॉरंट्ससाठी 24 तास आणि सातही दिवस उपलब्ध होणार आहे.

स्विगी एआय असिस्टंट गुरू ऑनलाइन फूड डिलिव्हरी प्लॅटफॉर्म स्विगीने आपल्या रेस्टॉरंट पार्टनर्ससाठी ‘गुरू’ नावाचे एक विशेष फीचर सादर केले आहे. हे फीचर रेस्टॉरंटशी संबंधित अनेक कामांमध्ये मदत करणार आहे. स्विगीच्या मते, ‘गुरू’ हे एआय असिस्टंट फीचर 720 पेक्षा जास्त शहरांमध्ये सादर केले जात आहे. यातून 2.7 लाखांपेक्षा जास्त रेस्टॉरंट पार्टनर्सना फायदा होण्याची अपेक्षा आहे. यामध्ये लहान स्थानिक रेस्टॉरंट्सपासून ते अनेक ठिकाणी आउटलेट्स चालवणाऱ्या मोठ्या ब्रँड्सपर्यंत सर्वांचा समावेश आहे.

स्विगीचा एआय असिस्टंट गुरू रेस्टॉरंटना मदत करेल. गुरूची रचना स्विगीने अशा प्रकारे केली आहे की, रेस्टॉरंट भागीदारांना सोपे संवादात्मक प्रश्न विचारून त्यांच्या व्यवसायाशी संबंधित माहिती मिळू शकेल. रेस्टॉरंटला आता विक्री कशी होत आहे, ऑर्डर्स वाढत आहेत की कमी होत आहेत आणि कुठे सुधारणांची गरज आहे, यासारखी माहिती मिळू शकेल. ही प्रणाली रेस्टॉरंटच्या विक्री डेटाचे विश्लेषण करून त्रुटी ओळखू शकते आणि सुधारणा सुचवू शकते.

रेस्टॉरंट भागीदार गुरूच्या मदतीने त्यांच्या जाहिरात आणि सवलत मोहिमा सुरू करू शकतील, त्यांची माहिती पाहू शकतील आणि आवश्यकतेनुसार बदल करू शकतील, ज्यामुळे प्रत्येक लहान तपशिलासाठी वेगवेगळे पर्याय शोधण्याची गरज कमी होईल. याशिवाय, भागीदारांना पेमेंटशी संबंधित माहिती देखील मिळू शकेल.

विविध भाषांमध्ये राहणार उपलब्ध

स्विगीच्या म्हणण्यानुसार, गुरू 20 हून अधिक भारतीय भाषांना सपोर्ट करतो. यात हिंदी, कन्नड आणि तेलगू यांसारख्या भाषांचा समावेश आहे. यामुळे वेगवेगळ्या राज्यांमध्ये काम करणाऱ्या रेस्टॉरंट मालकांना याचा वापर करणे सोपे जाऊ शकते.