‘स्विगी’ला 1,065 कोटींचा तोटा

ऑक्टोबर ते डिसेंबर तिमाहीत 33 टक्क्यांची वाढ

वृत्तसंस्था/ नवी दिल्ली

ऑनलाइन फूड डिलिव्हरी प्लॅटफॉर्म स्विगीचा निव्वळ तोटा ऑक्टोबर-डिसेंबर तिमाहीमध्ये वाढला आहे. दरम्यान वर्षाच्या आधारावर तोटा 33 टक्क्यांनी वाढून 1,065 कोटी झाला. गेल्या वर्षी याच तिमाहीत कंपनीला 799 कोटींचा तोटा झाला होता. त्याच वेळी, कंपनीच्या ऑपरेशनल महसुलात 54 टक्क्यांची वाढ झाली आहे. आर्थिक वर्ष 26 च्या तिसऱ्या तिमाहीत कंपनीचा ऑपरेशनल महसूल 6,148 कोटी रुपये होता. गेल्या वर्षी याच तिमाहीत कंपनीने 3,993 कोटींचा महसूल मिळवला होता.

स्विगी निकालाबद्दल

इन्स्टामार्टची ऑर्डर वाढली: स्विगीच्या ‘इन्स्टामार्ट’ व्यवसायाने सर्वोत्तम कामगिरी केली. गेल्या वर्षीच्या तुलनेत त्याची एकूण विक्री दुप्पट (103 टक्के) होऊन 7,938 कोटी झाली. लोक आता केवळ जास्त ऑर्डर देत नाहीत तर त्यांच्या ऑर्डरचा आकारही वाढला आहे (सरासरी 746). खाद्यपदार्थ वितरण देखील मजबूत झाले.  खाद्य वितरण व्यवसायात गेल्या 3 वर्षात सर्वात वेगाने वाढ झाली आहे. त्याची विक्री 20.5 टक्क्यांनी वाढली आहे. आता दरमहा स्विगीकडून खाद्य पदार्थ ऑर्डर करणाऱ्या सक्रिय ग्राहकांची संख्या 1.81 कोटी झाली आहे.

 डार्क स्टोअर्सची संख्या वाढली

स्विगीने त्यांच्या डार्क स्टोअर्सची (जिथे वस्तू साठवल्या जातात) संख्या 136 पर्यंत वाढवली आहे, जी आता देशातील 31 शहरांमध्ये पसरलेली आहे. ग्राहकांना अधिक विविध प्रकारच्या वस्तू मिळू शकतील यासाठी कंपनीने त्यांच्या स्टोअर्सची संख्यादेखील वाढवली आहे. खर्चाचा ताण: कंपनीच्या तोट्यात वाढ होण्याचे मुख्य कारण म्हणजे तिचा वाढता ऑपरेशनल खर्च, जो 49 टक्क्यांनी वाढून 7,298 कोटी झाला. कंपनी जाहिराती, नेटवर्क विस्तार आणि डिलिव्हरीवर खूप पैसे खर्च करत आहे, ज्यामुळे महसूल वाढत असूनही तोटा होत आहे. 2015 च्या सुरुवातीच्या महिन्यात कंपनीने स्वत:चे अॅप लाँच केले. अॅपच्या मदतीने पदार्थ ऑर्डर करणे ग्राहकांसाठी सोपे झाले.

 युनिकॉर्न कंपनी

स्विगी ही भारतातील सर्वात वेगाने वाढणारी युनिकॉर्न कंपनी आहे. युनिकॉर्नपर्यंत पोहोचण्यासाठी कंपनीला 4 वर्षे लागली.