माणगावात उबाठा सेनेला धक्का

ठाकरे शिवसेनेच्या महिला शाखाप्रमुख स्वप्नाली भर्तु भाजपात

माणगाव /प्रतिनिधी -

माणगाव - बाजार येथील उद्धव बाळासाहेब ठाकरे शिवसेना पक्षाच्या महिला शाखाप्रमुख सौ. स्वप्नाली भर्तु यांनी आपल्या सहकाऱ्यांसमवेत भाजपच्या प्रदेश प्रतिनिधी सौ संध्या तेर्से यांच्या प्रमुख उपस्थितीत भाजपात प्रवेश केला. भाजपात त्याचे व त्यांच्या सहकाऱ्यांचे स्वागत करण्यात आले. महायुतीचे उमेदवार नीलेश राणे यांच्या कार्यपद्धतीवर विश्वास ठेवून प्रवेश करीत आहोत. महायुती सरकारच्या माध्यमातून महिलासाठी लाडकी बहीण, एस टी बस प्रवास सवलत तसेच ज्येष्ठ नागरिक ,बेरोजगार तरुण यांच्यासाठी योजना आणल्या.या योजनासह अन्य विविध योजनांचा लाभ गोरगरीब जनतेला होत आहे. त्यामुळे त्याचा फायदाही या निवडणुकीत होणार असल्याचे सौ भर्तु यानी सांगितले.सौ भरतू व त्यांच्या सहकाऱ्यांचा भाजपमध्ये योग्य सन्मान केला जाईल ,सौ. तेर्से यानी सांगितले. भाजपचे कुडाळ तालुकाध्यक्ष संजय वेंगुर्लेकर, राजू राऊळ, मोहन सावंत, युवा मोर्चा तालुकाध्यक्ष रुपेश कानडे, अँड विवेक मांडकुलकर, दत्ता कोरगावकर, सचिन धूरी, कामिनी भर्तु आदी अनेक मान्यवर उपस्थित होते.