ऊसतोड कामगारांची दिवाळी फडातच साजरी

बेळगाव : साखर कारखान्यांच्या गळीत हंगामाला प्रारंभ झाला आहे. त्यामुळे महाराष्ट्रातील ऊस तोडणी कामगार तालुक्यातील विविध भागात दाखल झाले आहेत. या ऊस तोडणी मजुरांची दिवाळी फडातच साजरी झाली आहे. दरवर्षी महाराष्ट्रातील जालना, परभणी, नगर, आदी जिल्ह्यातून ऊस तोडणी कामगार सीमाभागातील विविध भागात दाखल होतात. यंदा देखील उसाच्या धुरांड्या पेटल्याने दसऱ्यानंतर ऊस तोडणी कामगार दाखल झाले आहेत. पोटाची खळगी भरण्यासाठी आलेल्या मजुरांची दिवाळी यंदाही फडातच साजरी झाली आहे. पहाटे उठून थंडी, उन, वारा याची तमा न बाळगता त्यांची दीनचर्या सुरू असते. या ऊस तोडणी कामगारांची दिवाळी देखील उसाच्या कामातच साजरी झाली आहे.