तामिळनाडूच्या डावात सुदर्शनचे द्विशतक

वृत्तसंस्था / नवी दिल्ली

2024 च्या रणजी क्रिकेट स्पर्धेतील येथे शुक्रवारपासून सुरू झालेल्या ड गटातील सामन्यात सुदर्शनच्या शानदार द्विशतकाच्या जोरावर तामिळनाडूने दिल्लीविरुद्ध पहिल्या डावात 1 बाद 379 धावा जमविल्या.

या सामन्यात डावखुऱ्या सुदर्शनने नाबाद 202 धावा जमविताना एन. जगदीशन समवेत सलामीच्या गड्यासाठी 168 धावांची भागिदारी केली. जगदीशनने 101 चेंडूत 65 धावा केल्या. जगदीशन बाद झाल्यानंतर सुदर्शन आणि वॉशिंग्टन सुंदर यांनी दुसऱ्या गड्यासाठी अभेद्य 211 धावांची द्विशतकी भागिदारी केली. वॉशिंग्टन सुंदर 170 चेंडूत 96 धावांवर खेळत आहे. सुदर्शनने 249 चेंडूत आपले द्विशतक पूर्ण केले.

गौहत्ती येथे सुरू असलेल्या रणजी सामन्यामध्ये चंदीगड विरुद्ध आसामने पहिल्या डावात 8 बाद 249 धावा जमविल्या. त्याच प्रमाणे राजकोटमध्ये सुरू असलेल्या या स्पर्धेतील अन्य एका सामन्यात छत्तीसगडने सौराष्ट्र विरुद्ध पहिल्या डावात 2 बाद 236 धावा जमविल्या. संजीत देसाई 81 तर अमनजित खरे 51 धावांवर खेळत आहे. अहमदाबादमध्ये सुरु असलेल्या या स्पर्धेतील अन्य एका सामन्यात झारखंडने रेल्वे विरुद्ध पहिल्या डावात 5 बाद 325 धावा जमविल्या. झारखंडच्या डावामध्ये विराटसिंग आणि इशान किशन यांनी नाबाद शतके झळकविली. विराटसिंग 103 धावांवर खेळत असून इशान किशन 101 धावांवर बाद झाला. सिद्दीकीने 96 धावांचे योगदान दिले.