सिद्धिविनायकच्या खेळाडूंचे यश

खानापूर : जिल्हास्तरीय क्रीडास्पर्धेत बेळगाव मराठा मंडळ संचलित खानापूर येथील श्री सिद्धिविनायक इंग्रजी माध्यम शाळेच्या विद्यार्थ्यानी विविध क्रीडा प्रकारात यश संपादन केले आहे. या स्पर्धेत दिनेश पाटीलने 600 मी. धावणेमध्ये द्वितीय, माधव धबाले 400 मी. धावणे द्वितीय, कृतिका चौगुले 100 मी. धावणे तृतीय, अस्मिया देसाई कराटे तृतीय, श्रेयश पाटील, विमल टोनी स्केटींग तृतीय, कुस्तीत प्रताप सपलिगा प्रथम, रवळनाथ पाटील द्वितीय, अजय पाटील 100 मी. धावणे प्रथम, 400 मी. धावणे तृतीय क्रमांक मिळवला. प्रताप सपलिगा व अजय पाटील यांची राज्यस्तरीय स्पर्धासाठी निवड झाली आहे. स्पर्धेत यश संपादन केलेल्या विद्यार्थ्यांना संस्थेच्या अध्यक्षा राजश्री नागराजू, संचालक परशराम गुरव, शिवाजी पाटील, मुख्याध्यापक वैभवी वंजारे, कार्यदर्शीका ज्योती हेब्बाळकर, क्रीडा शिक्षक उमेश धबाले यांचे मार्गदर्शन लाभले. तर शाळेतील सर्व शिक्षक, शिक्षकेत्तर कर्मचारी यांचे प्रोत्साहन लाभले आहे.