‘एआय’मधील आघाडीच्या कंपन्यांची दमदार कामगिरी

अव्वल ब्रँड्स , गुगलने अॅपलला टाकले मागे : भारतीय ब्रँडमध्ये एअरटेल कंपनीची कामगिरी

वृत्तसंस्था, मुंबई

2026 हे वर्ष ब्रँड बाजारासाठी ऐतिहासिक ठरले आहे. जगातील अव्वल 100 ब्रँड्सचे एकूण मूल्य 13 ट्रिलियन डॉलर्स (1,244 लाख कोटी रुपये) ओलांडले आहे. त्यात 22 टक्क्यांनी वाढ झाली, परंतु वाढ एकसारखी नव्हती. एआयच्या लाटेवर स्वार झालेल्या ब्रँड्सनी विक्रम मोडले, पण पहिल्या 5 कंपन्यांमध्ये मोठा बदल झाला.

गूगलने चार वर्षांपासून अव्वल स्थानी असलेल्या अॅपलकडून हा मान हिसकावून घेतला. गूगलच्या ब्रँड मूल्यात 57 टक्क्यांची वाढ झाली, तर अॅपलच्या ब्रँड मूल्यात 6 टक्के वाढ झाली. भारतीय कंपनी टीसीएसच्या ब्रँड मूल्यात 43 टक्क्यांची घट झाली. पहिल्यांदाच, 4 ब्रँड्सनी मिळून 1 ट्रिलियन डॉलर्सचा टप्पा ओलांडला आहे.

ठळक नोंदी

?चॅटजीपीटीची ब्रँड व्हॅल्यू 1 वर्षात 285 टक्क्यांनी वाढून अंदाजे 16 लाख कोटी झाली. हा कोणत्याही कंपनीचा सर्वात वेगवान वाढीचा दर आहे.

?क्लॉड पहिल्यांदाच (27 व्या क्रमांकावर) या क्लबमध्ये सामील झाला. सुमारे 9.2 लाख कोटी रुपयांचे ब्रँड मूल्य असलेल्या नवीन ब्रँडसाठी या उंचीवर थेट प्रवेश करणे विलक्षण आहे.

?लुई व्हिटॉनच्या मूल्यात 22 टक्के घट झाली आणि तो 15 स्थानांनी घसरून 32 व्या स्थानावर आला. शनेल 15 टक्के घसरून 9 स्थानांनी खाली येत 51 व्या स्थानावर पोहोचला.

?चीनच्या अलीबाबाच्या ब्रँड मूल्यात 51 टक्के, तर अॅग्री बँक ऑफ चायनाच्या ब्रँड मूल्यात 54 टक्क्यांची वाढ झाली. शाओमीच्या ब्रँड मूल्यात 48 टक्के वाढ झाली. टेन्सेंटचे पुनरागमन हे ‘चीनी टेक ब्रँड्सच्या एआय-चालित पुनरागमनाचा एक भाग आहे.