ई कॉमर्स कंपन्यांना अन्न सुरक्षेबाबत कडक सूचना

भारतीय अन्न सुरक्षा आणि मानक प्राधिकरणाचे निर्देश : सुरक्षेबाबत मार्गदर्शक तत्वे सादर

नवी दिल्ली : 

आजकाल, क्विक-कॉमर्स कंपन्यांची मागणी लक्षणीय वाढत आहे. आजकाल लोक फक्त 10 मिनिटांत घरबसल्या छोट्या वस्तू ऑर्डर करत आहेत. या कंपन्यांमध्ये ब्लिंकिट, इन्स्टामार्ट, झेप्टो अशा अनेक कंपन्यांचा समावेश आहे.  भारतीय अन्न सुरक्षा आणि मानक प्राधिकरण (एफएसएसएआय) ने सर्व ई-कॉमर्स आणि क्विक-कॉमर्स कंपन्यांना अन्न सुरक्षेबाबत मार्गदर्शक तत्त्वे जारी केली आहेत.

खरतर गेल्या काही दिवसांपासून खाद्यपदार्थांच्या दर्जाबाबत ग्राहकांकडून अनेक तक्रारी येत आहेत. हे लक्षात घेऊन एफएसएसएआयने ई-कॉमर्स फूड बिझनेस ऑपरेटर्स (एबीओएस) सोबत एक बैठक बोलावली ज्यामध्ये अनेक कठोर निर्णय घेण्यात आले. या बैठकीत ब्लिंकिट, इन्स्टामार्ट, झेप्टो अशा अनेक कंपन्यांचे संचालक सहभागी झाले होते.

नाशवंत वस्तूंची विक्रीफक्त 45 दिवसांसाठी

एफएसएसएआयने सर्व ई-कॉमर्स आणि क्विक-कॉमर्स कंपन्यांना किमान 45 दिवस खराब न होणाऱ्या खाद्यपदार्थांचीच विक्री करण्याचे निर्देश दिले आहेत. एफएसएसएआयचे सीईओ गंजी कमला व्ही राव यांनी बैठकीत अन्न व्यवसाय संचालकांशी संवाद साधताना अशा व्यवसाय पद्धतींचा अवलंब करण्यास सांगितले ज्याच्या अंतर्गत ग्राहकांना वितरणाच्या वेळी अन्न उत्पादनांचे किमान शेल्फ लाइफ 30 टक्के किंवा 45 दिवस शिल्लक राहिले पाहिजे.

एफएसएसएआयने स्पष्ट केले की ई-कॉमर्स प्लॅटफॉर्मवर केलेले कोणतेही उत्पादन दावे उत्पादन लेबलवर प्रदान केलेल्या माहितीशी सुसंगत असले पाहिजेत आणि एफएसएसएआयच्या लेबलिंग आणि प्रदर्शन नियमांचे पालन केले पाहिजे. सीईओने फूड बिझनेस एक्झिक्युटिव्हसना ऑनलाइन अप्रमाणित दावे करण्यापासून सावध केले.