‘रणनीति : बालाकोट अँड बियाँड’ ओटीटीवर

लारा दत्ता मुख्य भूमिकात

‘उरी-द सर्जिकल स्ट्राइक’नंतर आता लोकांसमोर बालाकोट एअरस्ट्राइकची कहाणी येणार आहे. जिमी शेरगिल आणि लारा दत्ता यांची मुख्य भूमिका असलेल्या ‘रणनीति : बालाकोट अँड बियाँड’चा एक व्हिडिओ जारी करण्यात आला आहे.

जियो सिनेमाने वेबसीरिज ‘रणनीति : बालाकोट अँड बियाँड’ची नवी झलक चाहत्यांना दाखविली आहे. निर्मात्यांनी या सीरिजचा प्रोमो व्हिडिओ शेअर केला आहे. व्हिडिओ सुरू होताच पुलवामा हल्ल्याशी निगडित झलक दिसून येते. यानंतर 26 फेब्रुवारी बालाकोट एअर स्ट्राइकची तारीख लिहिलेली दिसून येते, तसेच ‘लेकिन कुछ तारीखें इतिहास बना देती हैं’ असा आवाज ऐकू येतो.

‘इस बार इतना गहरा मारेंगे कि चोट भी लगेगी और निशान भी दिखेगा’ असा संवाद जिमीच्या तोंडी आहे. या सीरिजमध्ये भारतीय शूर नायकांची कहाणी दाखविली जाणार आहे. संतोष सिंह यांच्याकडून दिग्दर्शित या सीरिजमध्ये लारा दत्ता आणि जिमी शेरगिलसोबत आशुतोष राणा, आशीष विद्यार्थी, प्रसन्ना आणि अन्य कलाकार मुख्य भूमिकेत दिसून येणार आहेत.