घरकुल प्रदर्शनाच्या स्टॉल बुकिंगला स्टॉलधारकांचा तुफान प्रतिसाद

गृहबांधणीसाठी लागणारे साहित्य एकाच छताखाली : मोजकेच स्टॉल्स शिल्लक

बेळगाव : ‘तरुण भारत’ पुरस्कृत घरकुल-2024 गृहबांधणीसाठी लागणारे सर्व साहित्य एकाच छताखाली या प्रदर्शनाच्या स्टॉल बुकिंगला स्टॉलधारकांनी भरघोस प्रतिसाद दिला. आता केवळ मोजकेच स्टॉल्स शिल्लक असून इच्छुकांनी स्टॉल्ससाठी संपर्क साधावयाचा आहे. रोटरी क्लब ऑफ वेणुग्राम, बेळगाव व कन्सल्टींग सिव्हिल इंजिनिअर्स असोसिएशन बेळगाव आयोजित हे प्रदर्शन 21 ते 26 नोव्हेंबरदरम्यान सीपीएड् मैदानावर होणार आहे. प्रदर्शनाला प्रिया शक्ती स्टील हे डायमंड प्रायोजक लाभले आहेत. घरासाठी लागणारे सर्व साहित्य एकाच ठिकाणी पाहण्याची संधी घरकुल प्रदर्शनाने आजवर दिली आहे. 11 वे घरकुल प्रदर्शन काहीच दिवसांवर आल्याने जोरदार तयारी सुरू करण्यात आली आहे. बांधकाम मटेरियल व बांधकाम व्यवसायाची संपूर्ण माहिती प्रदर्शनातून दिली जात असल्याने प्रत्येक वेळी नागरिकांचा प्रतिसाद वाढत आहे. 170 हून अधिक स्टॉल प्रदर्शनात मांडण्यात येणार आहेत. त्यामुळे गृहनिर्माण क्षेत्रातील अनेक कंपन्यांनी स्टॉल बुकिंग केले आहे. आता मोजकेच स्टॉल्स शिल्लक असल्याने ज्या स्टॉलधारकांना बुकिंग करावयाचे आहे, त्यांनी लवकर संपर्क साधण्याचे आवाहन करण्यात आले आहे. स्टॉल बुकिंगसाठी 9449056936, 9448116468, 9341873944 या क्रमांकांशी संपर्क साधावा.