विक्रमी प्रवासानंतर शेअरबाजारात नफा वसुली
सेन्सेक्स-निफ्टी घसरणीसह बंद : इन्फोसिसचे समभाग तेजीत
वृत्तसंस्था /मुंबई
चालू आठवड्यातील अंतिम सत्रात शुक्रवारी सुरुवातीची उच्चांकी कामगिरी प्राप्त केल्यानंतर बाजार अंतिम क्षणी घसरणीसह बंद झाला आहे. यात दिग्गज कंपन्यांपैकी इन्फोसिसचे समभाग मजबूत राहिले होते. नफा वसुलीच्या कारणास्तव बाजारात नकारात्मक वातावरण राहिले. यामध्ये सेन्सेक्स व निफ्टी यांचे निर्देशांक प्रभावीत होत बंद झाले. दिग्गज कंपन्यांच्या मदतीने शुक्रवारी अंतिम सत्रात बीएसई सेन्सेक्स 738.81 अंकांनी प्रभावीत होत निर्देशांक 80,604.65 वर बंद झाला आहे. दुसऱ्या बाजूला राष्ट्रीय शेअर बाजाराचा निफ्टी हा दिवसअखेर 269.95 अंकांसोबत निर्देशांक 24,530.90 वर बंद झाला आहे. पहिल्या तिमाहीचे अहवाल विविध कंपन्या सादर करत आहेत. यामध्ये शुक्रवारी इन्फोसिसने आपला तिमाही निकाल सादर केला असून कंपनीला मजबूत नफा झाला आहे. तसेच महसूलही वाढला असल्याची माहिती कंपनीने आपल्या अहवालामधून दिली आहे. याचा सकारात्मक परिणाम म्हणजे आयटी क्षेत्रातील कंपन्यांचे समभाग चमकल्याचे दिसून आले.
या समभागांमध्ये घसरण
शुक्रवारच्या सत्रात सेन्सेक्समधील कंपन्यांमध्ये टेक महिंद्रा, अल्ट्राटेक सिमेंट, टाटा स्टील, जेएसडब्ल्यू स्टील, सनफार्मा आणि पॉवरग्रिड कॉर्प यांचे समभाग सर्वाधिक घसरणीत राहिले आहेत. अन्य कंपन्यांमध्ये एशियन पेन्ट्स, आयटीसी, नेस्ले आणि अदानी पोर्ट्स यांचे समभाग वधारले आहेत.
आयटी वगळता सर्व निर्देशांक घसरणीत
बाजारात आयटी निर्देशांक वगळता अन्य सर्व 12 निर्देशांकांमध्ये घसरणीची नोंद केली आहे. व्यापक पातळीवर देशात स्मॉलकॅप आणि मिडकॅप यांचे समभाग हे जवळपास 0.8 टक्क्यांनी प्रभावीत राहिले आहेत.
जागतिक बाजारांची स्थिती
आशिया प्रशांत क्षेत्रातील बाजारांमध्ये दुसऱ्या सत्रात आयटी क्षेत्रात दबाव राहिल्याने बाजारात घसरण राहिली असल्याचे पाहायला मिळाले आहे.
समभाग वधारलेल्या कंपन्या
- इन्फोसिस 1792
- आयटीसी 474
- एशियन पेन्ट्स 2945
- एचसीएल टेक 1594
- ब्रिटानिया 5877
समभाग घसरलेल्या कंपन्या
- टाटा स्टील 157
- जेएसडब्ल्यू स्टील 889
- एनटीपीसी 364
- टाटा मोर्ट्स 989
- अल्ट्राटेक सिमेंट 11268
- टेक महिंद्रा 1491
- विप्रो 557
- पॉवरग्रिड कॉर्प 332
- महिंद्रा-महिंद्रा 2750
- बजाज फायनान्स 6934
- रिलायन्स इंडस्ट्रीज 3109
- इंडसइंड बँक 1429
- सनफार्मा 1566
- भारती एअरटेल 1463
- अॅक्सिस बँक 1292
- नेस्ले 2598
- लार्सन अॅण्ड टुब्रो 3618
- मारुती सुझुकी 12539
- बजाज फिनसर्व्ह 1639
- स्टेट बँक 889
- एचडीएफसी बँक 1607
- हिंदुस्थान युनि 2726
- टीसीएस 4302
- आयसीआयसीआय 1248
- टायटन 3258
- कोटक महिंद्रा 1821
- कमिन्स 3557
- हिंडाल्को 663
- कोल इंडिया 487
- कॅनरा बँक 112
- बँक ऑफ बडोदा 250
- डाबर इंडिया 632
- अशोक लेलँड 223
- अंबुजा सिमेंट 677
- आयशर मोर्ट्स 4854
- ल्यूपिन 1785