तिसऱ्या सत्रात शेअरबाजाराचा बिघडला मूड

सेन्सेक्स 313 अंकांनी घसरला: आयटी निर्देशांक दबावात

वृत्तसंस्था/ मुंबई

भारतीय शेअर बाजार सलग तिसऱ्या सत्रात घसरणीसोबत बंद झाला. सेन्सेक्स 313 अंकांनी घसरत बंद झाला. मेटल, फार्मा यांचे निर्देशांक तेजीसह बंद झाले.

मंगळवारी सरतेशेवटी मुंबई शेअरबाजाराचा 30 समभागांचा सेन्सेक्स निर्देशांक 313 अंकांनी घसरत 84587 अंकांवर बंद झाला तर दुसरीकडे राष्ट्रीय शेअरबाजाराचा 50 समभागांचा निफ्टी निर्देशांक 74 अंकांनी घसरत 25884 च्या स्तरावर बंद झाला. बँक निफ्टी निर्देशांक 15 अंकांनी घसरत 58820 अंकांवर बंद झाला होता. सेन्सेक्समधील 30 पैकी 23 समभाग तेजीसोबत तर निफ्टीतील 50 पैकी 33 समभाग हे तेजीसोबत बंद झाले आहेत. आशियाई बाजारात मंगळवारी तेजी दिसून आली.

हे समभाग तेजीत

शेअरबाजारात विविध समभागांची कामगिरी पाहता हिंडाल्को, बीईएल, एसबीआय, श्रीराम फायनान्स, डॉ. रे•िज लॅब्ज, बँक ऑफ महाराष्ट्र, फोनिक्स मिल्स, फेडरल बँक, गोदरेज प्रॉपर्टीज, आयडीबीआय बँक, भारती एअरटेल, जेएसडब्ल्यू स्टील, रिलायन्स, बजाज ऑटो, टाटा स्टील, सिप्ला, इटर्नल, टेक महिंद्रा, बजाज फिनसर्व्ह व एसबीआय लाइफ यांचे समभाग तेजीत राहिले होते.

हे समभाग घसरणीत

तर दुसरीकडे अदानी एंटरप्रायझेस, ट्रेंट, टाटा मोटर्स पीव्ही, पॉवरग्रिड कॉर्प, इन्फोसिस, एचसीएल टेक, एचडीएफसी बँक, टाटा कम्युनिकेशन्स, एसीसी, आयजीएल, डिक्सन टेक्नॉलॉजी, विप्रो, आयटीसी, टायटन, सनफार्मा, एचयुएल, इंडिगो, ओएनजीसी, एशियन पेंटस्, अल्ट्राटेक सिमेंट यांचे समभाग नुकसानीसोबत बंद झाले.

क्षेत्राच्या निर्देशांकांची कामगिरी

विविध क्षेत्रांच्या निर्देशांकांमध्ये पाहता मेटल, कमोडिटीज, सीपीएसई, फार्मा व रिअल्टी हे निर्देशांक तेजीसोबत बंद झाले तर दुसरीकडे ऑटो, एनर्जी, फायनॅन्शीयल्स, एफएमसीजी, इन्फ्रा, आयटी, ऑइल अँड गॅस यांचे निर्देशांक घसरणीसोबत बंद झाले. यात आयटी सर्वाधिक घसरणीत राहिला होता.