नफा वसुलीमुळे शेअरबाजार अल्पशा तेजीसह बंद
सेन्सेक्स 130 अंकांनी तेजीत, बँकिंग, आयटी समभाग चमकले
वृत्तसंस्था/मुंबई
आयटी समभाग आणि बँकिंग क्षेत्रातल्या समभागांच्या दमदार कामगिरीच्या पार्श्वभूमीवर सकाळच्या सत्रात 700 अंकांच्या तेजीसोबत असणारा शेअरबाजार शेवटच्या सत्रात नाममात्र तेजीसमवेत बंद झाला. दिग्गज समभागांमध्ये नफा वसुलीमुळे शेअरबाजारातली मोठी तेजी कमी झाली.
गुरुवारी सरतेशेवटी मुंबई शेअर बाजाराचा 30 समभागांचा सेन्सेक्स निर्देशांक 130 अंकांनी वाढत 84556 अंकांवर बंद झाला तर दुसरीकडे राष्ट्रीय शेअर बाजाराचा 50 समभागांचा निफ्टी निर्देशांक 22 अंकांनी वाढत 25891 अंकांनी बंद झाला. बँक निफ्टी निर्देशांक 70 अंकांनी वाढत 58078 अंकांवर बंद होण्यामध्ये यशस्वी झाला. याचदरम्यान सकाळच्या सत्रात सेन्सेक्स 734 अंकांच्या तेजीसमवेत 85290 च्या स्तरावर तर निफ्टी निर्देशांक 123 अंकांच्या वाढीसोबत 26014 च्या स्तरावर पोहोचला होता.
इन्फोसिस, एचसीएल टेक आणि टेक महिंद्रा यांचे आयटी निर्देशांकातील समभाग सर्वाधिक तेजीत पहायला मिळाले. दुसरीकडे बजाज फिनसर्व, मारुती सुझुकी आणि पॉवरग्रिड कॉर्प यांचे समभाग सर्वाधिक घसरणीत राहिले. तसेच इंडिगो, आयशर मोटर्स, सनफार्मा यांचे समभागदेखील नुकसानीसोबत बंद झाले. शेअरबाजारात टेक्सटाईल संबंधीत समभागांची खरेदी दिसून आली. यांचे समभाग जवळपास 5 ते 10 टक्के इतके तेजीत दिसून आले. अमेरिकेसोबतच्या व्यापाराबाबत दिलासादायक बातमी अमेरिकेतून आल्याने त्याचा परिणाम टेक्सटाईल कंपन्यांच्या समभागांवर पाहायला मिळाला.
दिग्गज कंपनी रिलायन्स इंडस्ट्रीज व इटर्नल यांचा समभाग 3 टक्के घसरणीत होता. भारत फोर्ज या समभागात गुरुवारी 4 टक्के तेजी पहायला मिळाली. कंपनीला 2770 कोटी रुपयांचे कंत्राट प्राप्त झाले आहे. एचयूएल कंपनीने आपल्या तिमाहीचा निकाल जाहीर केला असून या निकालाचा परिणाम समभागावर फारसा दिसून आला नाही. अल्पशा वाढीसोबत समभाग बंद झाला होता. व्होडाफोन आयडियाचा समभाग 6 टक्के वाढला असून येत्या सोमवारी एजीआर बाकी संबंधित न्यायालयामध्ये सुनावणी होणार असून याकडे गुंतवणूकदारांचे लक्ष लागून राहिले आहे. आशियातील बाजारात जपानचा निक्केई, शांघाय कंपोझिट आणि हाँगकाँगचा हॅगसेंग निर्देशांक घसरणीत होता.
समभाग वधारलेल्या कंपन्या
- इन्फोसिस 1528
- एचसीएल टेक 1523
- टीसीएस 3071
- श्रीराम फायनान्स 709
- अॅक्सिस बँक 1258
- ओएनजीसी 252
- कोटक महिंद्रा 2225
- विप्रो 244
- टायटन 3772
- टेक महिंद्रा 1463
- हिंडाल्को 792
- टाटा स्टील 174
- लार्सन टूब्रो 3918
- आयटीसी 415
- बजाज फायनान्स 1094
- एसबीआय लाईफ 1852
- मॅक्स हेल्थकेअर 1211
- एसबीआय 911
- कोल इंडिया 392
- एचयूएल 2601
- पॉवरग्रीड कॉर्प 289
- बजाज फिनसर्व 2176
- सन फार्मा 1695
- भारत इलेक्ट्रॉनिक्स 418
- एनटीपीसी 342
- एचडीएफसी बँक 1008
- महिंद्रा अँड महिंद्रा 3623
समभाग घसरलेल्या कंपन्या
- इटर्नल 327
- इंटरग्लोब एव्ही. 5789
- आयशर मोटर्स 6889
- भारती एअरटेल 2007
- अल्ट्राटेक सिमेंट 12129
- अदानी पोर्ट 1453
- आयसीआयसीआय 1363
- जेएसडब्ल्यू स्टील 1138
- टाटा कंझ्युमर 1161
- रिलायन्स 1448
- सिप्ला 1645
- नेस्ले 1274
- जिओ फायनान्सियल 309
- बजाज ऑटो 9047