शेअर बाजार गुरुवारीही तेजीसमवेत बंद
सेन्सेक्स 110 अंकांनी तेजीत, बँक निर्देशांक नव्या विक्रमावर
वृत्तसंस्था/मुंबई
बुधवारच्या दमदार तेजीनंतर भारतीय शेअर बाजार गुरुवारी अल्पशा तेजीसमवेत बंद होताना दिसला. निफ्टी बँक निर्देशांकामध्ये तेजी कायम राहिली असून निर्देशांक नव्या विक्रमी कामगिरीसह बंद झालेला दिसून आला. विविध निर्देशांकांच्या कामगिरीचा विचार करता माध्यम, आयटी, प्रायव्हेट बँक यांच्या व्यतिरिक्त इतर क्षेत्रांचे निर्देशांक घसरणीसोबत बंद झाले. गुरुवारी सरतेशेवटी मुंबई शेअरबाजाराचा 30 समभागांचा सेन्सेक्स निर्देशांक 110 अंकांनी वाढत 85720 अंकांनी बंद झाला तर दुसरीकडे राष्ट्रीय शेअर बाजाराचा 50 समभागांचा निफ्टी निर्देशांक 10 अंकांनी वाढत 26215 अंकांवर बंद झाला. बँक निफ्टी निर्देशांक नव्या विक्रमाला गवसणी घालण्यामध्ये गुरुवारी पुन्हा एकदा यशस्वी झाला. सदरचा निर्देशांक 209 अंकांनी वाढत 59737 अंकांवर विक्रमी स्तरावर बंद झाला.
हे समभाग तेजीत
समभागांच्या कामगिरीवर नजर टाकली असता बजाज फायनान्स, श्रीराम फायनान्स, आयसीआयसीआय बँक, हिंदुस्थान युनिलिव्हर लिमीटेड, आयटीसी, इन्फोसिस, जेएसडब्ल्यू स्टील, एशियन पेंटस्, हिंडाल्को, एनटीपीसी, टायटन, डॉ. रे•ाrज लॅब्ज, कोटक महिंद्रा, कोल इंडिया, इंडिगो, सनफार्मा, बजाज फिनसर्व यांचे समभाग तेजीसमवेत बंद झाले. मिडकॅप निर्देशांकामध्ये अशोक लेलॅण्ड, कोफोर्ज, महिंद्रा आणि महिंद्रा फायनान्शीयल आणि केपीआयटी टेक्नॉलॉजी यांचे समभाग तेजीत राहिले होते.
हे समभाग घसरणीत
दुसरीकडे अॅक्सिस बँक, मॅक्स हेल्थकेअर, ग्रासिम, टाटा मोटर्स पी. व्ही., विप्रो, रिलायन्स, अल्ट्राटेक सिमेंट, एसबीआय, मारुती सुझुकी, बजाज ऑटो, ओएनजीसी, आयशर मोटर्स, टाटा स्टील, इटर्नल, नेस्ले, पॉवरग्रिड कॉर्प, टीसीएस, भारती एअरटेल यांचे समभाग घसरणीसोबत बंद झाले. विविध निर्देशांकांच्या कामगिरीकडे पाहता फायनॅन्शीयल्स, एफएमसीजी आणि आयटी या क्षेत्रांचे निर्देशांक तेजीसह बंद झाले. दुसरीकडे ऑटो, कमोडीटीज, सीपीएसई, एनर्जी, इन्फ्रा, आयटी, मेटल, ऑईल अँड गॅस, फार्मा आणि रियल्टी यांचे निर्देशांक घसरणीसोबत बंद झाले.
समभाग वधारलेल्या कंपन्या
- बजाज फायनान्स 1033
- आयसीआयसीआय 1392
- बजाज फिनसर्व्ह 2107
- हिंदुस्थान युनि 2451
- एचसीएल टेक 1631
- इन्फोसिस 1566
- एचडीएफसी बँक 1009
- लार्सन अॅण्ड टुब्रो 4081
- आयटीसी 403
- कोटक महिंद्रा 2111
- टायटन 3910
- सनफार्मा 1810
- एनटीपीसी 327
- एशियन पेन्टस 2878
- अदानी पोर्ट 1507
- श्रीराम फायनान्स 867
- हिंडाल्को 807
- पॉवर फायनान्स 365
- कमिन्स 4436
- वेदान्ता 519
- हिरोमोटो 6165
- जेएसडब्लू स्टील 1159
- सिप्ला 1527
समभाग घसरलेल्या कंपन्या
- मारुती सुझुकी 15925
- इटर्नल 302
- अल्ट्राटेक सिमेंट 11625
- स्टेट बँक 972
- टाटा स्टील 168
- टीसीएस 3136
- टेक महिंद्रा 1508
- भारती एअरटेल 2115
- टेन्ट 4269
- पॉवरग्रिड कॉर्प 237
- भारत इले. 413
- रिलायन्स इंडस्ट्रीज 1563
- टीएमपीव्ही 357
- अॅक्सिस बँक 1286
- महिंद्रा-महिंद्रा 3679
- बजाज होल्डींग्स 11246
- आयशर मोटर्स 7006
- एसबीआय लाइफ 2002