राज्यस्तरीय कराटे स्पर्धेला प्रारंभ

बेळगाव : बेळगाव जिल्हा स्पोर्ट्स कराटे संघटनेच्यावतीने आयोजित सहाव्या राज्यस्तरीय कराटे स्पर्धेला मोठ्या उत्साहात प्रारंभ झाला. सदर स्पर्धेत विविध जिह्यातून 850 हून अधिक कराटेपटूंनी भाग घेतला आहे. महात्माफुले रोडवरील दानम्मा मंदिर मंगल कार्यालयाच्या सभागृहात झालेल्या या स्पर्धेच्या उद्घाटन प्रमुख पाहुणे म्हणून जगत ज्योती बसवेश्वर कल्याण मंडपचे अध्यक्ष सी. एस.  बेंबळगी, कर्नाटक राज्य कराटे संघटनेचे सचिव भार्गव रेड्डी, बेळगाव जिल्हा कराटे संघटनेचे अध्यक्ष गजेंद्र काकतीकर, सचिव जितेंद्र काकतीकर, रमेश अलगुडेकर, दीपक काकतीकर या मान्यवरांच्या हस्ते दीपप्रज्वलन केले व त्यानंतर कराटे फाईटला चालना देऊन स्पर्धेचे उद्घाटन करण्यात आले. याप्रसंगी विविध जिह्यातील प्रशिक्षक व खेळाडू मोठ्या संख्येने उपस्थित होते.