चीनमध्ये आयोजित होणार रामायणावर आधारित स्टेज शो

बीजिंग : भारत आणि चीन दोघेही शेजारी देश असून दोन्ही देशांदरम्यान सांस्कृतिक संबंधही दृढ आहेत. याचदरम्यान चीनने एक मोठा पुढाकार घेत बीजिंगमध्ये रामायणावर आधारित शो आयोजित करण्याचा निर्णय घेतला आहे. हा कार्यक्रम 25 जानेवारी रोजी बीजिंगच्या शुनयी ग्रँड थिएटरमध्ये आयोजित होणार आहे. भारतातील चीनच्या दूतावासाच्या प्रवक्त्या यु जिंग यांनी याविषयी माहिती दिली आहे. चीनमध्ये रामायणावर होणारा हा कार्यक्रम प्राध्यापक जि शियानलिन यांनी संस्कृतमधून मंदारिनमध्ये केलेल्या अनुवादावर आधारित असेल. या नाट्या सादरीकरणाचे दिग्दर्शन भरतनाट्याम एक्सपोनेंटशी निगडित जिन शानशान करणार आहेत. हा कार्यक्रम बीजिंगमधील भारतीय दूतावासाच्या सहकार्याने आयोजित केला जात आहे.