श्रीलंकेसाठी आज न्यूझीलंडविरुद्ध विजय अत्यावश्यक

वृत्तसंस्था/ कोलंबो

आज बुधवारी कोलंबो येथे होणाऱ्या टी-20 विश्वचषकाच्या सुपर 8 सामन्यात न्यूझीलंडविऊद्ध खेळताना श्रीलंकेला फिरकी गोलंदाजांविरुद्धची फलंदाजी सुधारावी लागेल. पल्लेकेले येथे फिरकीस पोषक खेळपट्टीवर इंग्लंडविऊद्ध 147 इतक्या कमी धावांचा पाठलाग करण्यात घरच्या संघाचे फलंदाज अपयशी ठरले. सहयजमान भारताच्या तुलनेत श्रीलंकेतील खेळपट्ट्या फलंदाजीसाठी अधिक कठीण आहेत आणि प्रेमादासावर हाच प्रवाह सुरू राहण्याची शक्यता आहे, जेथे मोठ्या सीमारेषांमुळे षटकार खेचणे कठीण होते.

सुपर 8 च्या सलामीच्या सामन्यात झालेल्या मोठ्या पराभवानंतर फलंदाजांच्या काही फटक्यांच्या निवडीवर प्रश्न उपस्थित करण्यात आले होते आणि श्रीलंकेला त्यांच्या चुकांमधून शिकावे लागेल. श्रीलंकेच्या फलंदाजी विभागाचा पथुम निस्सांका नेतृत्व करत असून डावखुरा फिरकी गोलंदाज डुनिथ वेललागेही प्रभावी कामगिरी करत आहे. खरे सांगायचे तर आतापर्यंत स्पर्धेत वेगवान गोलंदाजांनीही चांगली कामगिरी केली आहे.

प्रेमादासावरील सामना पावसात वाहून गेल्याने पाकिस्तानसोबत एक गुण विभागून घ्याव्या लागलेल्या न्यूझीलंडकडेही कर्णधार मिशेल सँटनरसह चांगले फिरकी गोलंदाज आहेत. पावसाची शक्यता कमी असल्याने दोन्ही संघ सुपर 8 टप्प्यातील त्यांच्या पहिल्या विजयासाठी प्रयत्नशील असतील. न्यूझीलंडच्ााr सलामीवीर जोडी फिन अॅलन आणि टिम सेफर्ट यांनी लीग टप्प्यात चांगला फॉर्म दाखवला आहे आणि ती लय कायम ठेवण्याचा त्यांचा प्रयत्न असेल. रचिन रवींद्रकडून अधिक धावांची अपेक्षा आहे, ज्याने कॅनडाविऊद्धच्या मागील डावात अत्यंत आवश्यक अर्धशतक झळकावले होते.

या सामन्यात श्रीलंकेला स्पर्धेतील त्यांच्या आशा जिवंत ठेवण्यासाठी दमदार कामगिरीसह पुनरागमन करावे लागेल. न्यूझीलंडसाठीही स्पर्धेत जिवंत राहण्याच्या दृष्टीने हा एक महत्त्वाचा सामना असेल. जर मिशेल सँटनरचा संघ श्रीलंकेविऊद्ध पराभूत झाला, तर त्यांना उपांत्य फेरीत प्रवेश करण्यासाठी त्यांच्या शेवटच्या सामन्यात इंग्लंडविऊद्ध मोठा विजय मिळवावा लागेल. श्रीलंका आणि न्यूझीलंड टी-20 आंतरराष्ट्रीय सामन्यांमध्ये 28 वेळा आमनेसामने आले आहेत आणि न्यूझीलंड 16 विजयांसह मजबूत आघाडीवर आहे, तर श्रीलंकेने 11 सामने जिंकलेले आहेत. एक सामना निकालाविना संपला.