क्रीडा मंत्री मांडविया यांच्यावतीने वेटलिफ्टिंग पथकाचे कौतुक

मनसुख मांडविया यांच्याकडून धनादेश सुपूर्द

वृत्तसंस्था

नवी दिल्ली

क्रीडा मंत्री मनसुख मांडविया यांनी सोमवारी ग्लासगो येथे सुरू असलेल्या राष्ट्रकुल क्रीडा स्पर्धेतील भारतीय वेटलिफ्टर्सच्या दमदार कामगिरीचे कौतुक केले आणि ते म्हणाले की, त्यांनी जिंकलेल्या प्रत्येक पदकाने देशाला प्रचंड आनंद दिला आहे.

भारतीय वेटलिफ्टिंग संघाने या खेळांमध्ये एक सुवर्ण, सहा रौप्य आणि एक कांस्य पदक जिंकले. ऑलिम्पिक पदक विजेती मीराबाई चानू ही एकमेव सुवर्णपदक विजेती ठरली. भारतात परतल्यानंतर मांडविया यांच्या हस्ते वेटलिफ्टर्सचा सत्कार करण्यात आला. मीराबाईला 30 लाख रुपयांचा धनादेश देण्यात आला, तर रौप्य आणि कांस्य पदक विजेत्यांना अनुक्रमे 20 लाख आणि 10 लाख रुपये मिळाले.तुम्हाला कदाचित याची जाणीव नसेल, पण तुम्ही जिंकलेले प्रत्येक पदक देशाला प्रचंड आनंद देते. जेव्हा जेव्हा तुमच्यापैकी कोणी पदक जिंकले, तेव्हा संसदेचे कामकाज सुरू होण्यापूर्वीच ही बातमी जाहीर केली गेली होती. जे खेळाडू यावेळी पदक जिंकू शकले नाहीत, त्यांनी हे लक्षात ठेवावे की खेळाडू कधीही हरत नाही. ते एकतर जिंकतात किंवा पुन्हा जिंकायला शिकतात,असे मांडविया सत्कार समारंभात म्हणाले. आमच्या तीन खेळाडूंना यावेळी पदके मिळवता आली नाहीत, पण मला खात्री आहे की पंतप्रधान नरेंद्र मोदी यांच्या आशीर्वादाने आणि 140 कोटी भारतीयांच्या सदिच्छांनी तेही भविष्यात पदके घेऊन परत येतील, असेही ते पुढे म्हणाले. मीराबाईंसाठी हे सलग तिसरे राष्ट्रकुल सुवर्णपदक होते, यापूर्वी त्यांनी 2018 आणि 2022 च्या स्पर्धांमध्येही हे सुवर्णपदक जिंकले होते.