स्पायडरमॅनच्या चाहत्याचा विश्वविक्रम

292 वेळा पाहिला एकच चित्रपट

तुम्ही लोकांना एखादा अभिनेता किंवा सीरिजचा चाहता म्हणून पाहिले असेल. एकच चित्रपट 10 किंवा 20 वेळा पाहिलेल्या लोकांनाही तुम्ही भेटला असाल. काही असेच केले आहे फ्लोरिडात राहणाऱया एका व्यक्तीने. त्याला स्पायडर मॅनसंबंधी विशेष औत्सुक्य होते. त्याने स्वतःचा पसंतीचा स्पायडरमॅनचा चित्रपट (स्पायडरमॅन ः नो वे होम) चित्रपट इतक्या वेळा पाहिला की स्वतःचे नाव गिनिज वर्ल्ड रेकॉर्ड्समध्ये नोंदवून घेतले आहे.

कॉमिक बुकमधून 1962 मध्ये प्रकाशित झालेल्या स्पायडर मॅन सीरिजचे चाहते जगभरात कोटींच्या घरात आहेत. या चाहत्यांमध्ये लहान मुलांपासून प्रौढांचाही समावेश आहे. अलिकडेच डिसेंबर महिन्यात स्पायरड मॅनचा नवा चित्रपट प्रदर्शित झाल्यावर जगभरातील चित्रपटगृहांमध्ये तो पाहण्यासाठी लोकांमध्ये मोठी चढाओढ दिसून आली. परंतु फ्लोरिडाच्या रॅमिरो एलानिसने हा चित्रपट विक्रमीवेळा पाहिला आहे.

रॅमिरो नावाच्या स्पायरड मॅन फॅनने 1-2 वेळा नव्हे तर शेकडोवेळा हा चित्रपट पाहिला आहे. त्याला मार्व्हल फिल्म इतका पसंत पडला की वारंवार पाहता तो कधी विश्वविक्रमानजीक पोहोचला हे त्यालाच कळले नाही. त्याने एकूण 292 वेळा एकच चित्रपट चित्रपटगृहात जाऊन पाहिला. 6 डिसेंबर 2021 पासून 15 मार्च 2022 दरम्यान त्याने हा विक्रम केला. स्वतः रॅमिरोने ट्विटरवर याची माहिती दिली आहे. या चित्रपटप्रेमासाठी त्याचे नाव गिनिज वर्ल्ड रेकॉर्ड्समध्ये नोंदले गेले आहे.

पूर्वीही विश्वविक्रम

एलानिसने पहिल्यांदाच विश्वविक्रम केला आहे असे नाही. तो ऍव्हेंजर्सचा चाहता असून त्याने यापूर्वी ऍव्हेंजर्स एंडगेम चित्रपट 191 पाहून विश्वविक्रम स्वतःच्या नावावर केला होता. परंतु हा विक्रम नंतर अर्नाल्ड क्लेन यांनी मोडला होता. आता त्याने स्पायडर मॅन ः नो वे होम हा चित्रपट 720 तासांपर्यंत पाहून नवा विक्रम केला आहे.