स्पाईस जेटचा समभाग 27 टक्के तेजीत

मुंबई : हवाई क्षेत्रातील लोकप्रिय कंपनी स्पाईस जेटच्या समभागाने गेल्या तीन दिवसांच्या सत्रामध्ये 27 टक्के इतकी वाढ दर्शविली आहे. गुरुवारच्या सत्रामध्ये बीएसईवर स्पाईस जेटचा समभाग 48 रुपयांवर पोहोचला होता. 52 आठवड्यानंतर समभागाच्या भावाने नवी उंची गाठण्यात यश मिळविले आहे. गेल्या तीन दिवसांमध्ये समभाग 27 टक्के इतका तेजीत राहिला आहे. गेल्या दहा दिवसाच्या कालावधीमध्ये सरासरी 48 लाख समभागामध्ये व्यवहार झाल्याचे सांगितले जात आहे.