For the best experience, open
https://m.tarunbharat.com
on your mobile browser.
Advertisement
Maharashtra Government – Diwali

सोलापुरात दुचाकी चोरट्याला अटक; सहा मोटारसायकली जप्त, पाच गुन्हे उघडकीस

02:58 PM Oct 24, 2026 IST | Tarun Bharat Portal
सोलापुरात दुचाकी चोरट्याला अटक  सहा मोटारसायकली जप्त  पाच गुन्हे उघडकीस
Advertisement
सोलापूर | प्रतिनिधी : सोलापूर शहरातील दुचाकी चोरीच्या घटनांना आळा घालण्यासाठी जोडभावी पेठ पोलिसांनी महत्त्वपूर्ण कारवाई केली आहे. सराईत आरोपी नागेश भीमाशंकर पाटील याला अटक करून त्याच्याकडून सहा मोटारसायकली जप्त करण्यात आल्या आहेत. या कारवाईत दुचाकी चोरीचे पाच गुन्हे उघडकीस आणण्यात पोलिसांना यश आले आहे.

सोलापूर शहरातील पूर्व मंगळवार पेठेतील कुंभारवेस परिसरातून एका मोटारसायकलीची चोरी झाली होती. याप्रकरणी 22 ऑक्टोबर 2026 रोजी जोडभावी पेठ पोलीस ठाण्यात गुन्हा दाखल करण्यात आला होता. या गुन्ह्याचा तपास सुरू असताना पोलिसांनी घटनास्थळाची पाहणी केली. तसेच परिसरातील सीसीटीव्ही फुटेज आणि तांत्रिक माहितीच्या आधारे तपास सुरू केला.

Advertisement

सीसीटीव्हीच्या मदतीने आरोपीचा छडा

तपासादरम्यान गुन्हे प्रकटीकरण पथकाला रेकॉर्डवरील आरोपी नागेश भीमाशंकर पाटील याच्या हालचाली संशयास्पद आढळल्या. त्यानंतर पोलिसांनी सापळा रचून प्रियंका चौक ते शेळगी पुलाच्या दिशेने जात असताना त्याला ताब्यात घेतले.

चौकशी आणि पुढील तपासात त्याच्याकडून सहा मोटारसायकली जप्त करण्यात आल्या. या वाहनांच्या तपासातून दुचाकी चोरीचे एकूण पाच गुन्हे उघडकीस आले. सीसीटीव्ही फुटेज, तांत्रिक माहिती आणि पोलिसांच्या तपासामुळे या चोरीच्या घटनांचा छडा लावण्यात यश आले.

Advertisement

मंदिर परिसरात वाहनचोरीच्या घटनांबाबत सतर्कतेचे आवाहन

नवरात्रोत्सवादरम्यान रुपाभवानी माता मंदिरात दर्शनासाठी विविध भागांतून भाविक मोठ्या संख्येने येतात. मंदिर परिसरात पार्किंगची पुरेशी व्यवस्था नसल्याने अनेक भाविक आपली दुचाकी रस्त्याच्या कडेला उभी करून दर्शनासाठी जातात. अशा परिस्थितीचा फायदा घेऊन वाहनचोरीच्या घटना घडत असल्याचे पोलिसांनी नमूद केले.

भाविकांनी दुचाकी सुरक्षित ठिकाणी उभी करावी, वाहन लॉक करूनच जावे आणि शक्यतो अधिकृत पार्किंगचा वापर करावा, असे आवाहन करण्यात येत आहे.

वरिष्ठ अधिकाऱ्यांच्या मार्गदर्शनाखाली कारवाई

ही कारवाई पोलीस आयुक्त एम. राजकुमार, पोलीस उपायुक्त प्रितमकुमार यावलकर, सहायक पोलीस आयुक्त अरुण देवकर, वरिष्ठ पोलीस निरीक्षक सूरज मुलाणी आणि पोलीस निरीक्षक अमोल मिसाळ यांच्या मार्गदर्शनाखाली करण्यात आली.

जोडभावी पेठ पोलीस ठाण्याच्या गुन्हे प्रकटीकरण पथकातील अधिकारी आणि कर्मचाऱ्यांनी या कारवाईत सहभाग घेतला. सहा मोटारसायकली जप्त करून पाच गुन्हे उघडकीस आणल्यामुळे वाहनचोरीच्या घटनांच्या तपासाला महत्त्वाचे यश मिळाले आहे. या प्रकरणाचा पुढील तपास पोलीस करीत आहेत.

Advertisement
Tags :

.